¹ Khan bih we shakho manni linyah yakpelileu shakki shunro yoh pelloh pelloh shunu khanin tom weh waroh mannih minnah khan mannih piri khan shakki khunnih. ² shakki teishunyo bhanrani yoh bhah mihyah yoh wikhuluk monje khushi meh dimoh tameh an bharanih mashaki foyoro mehyah bharanih mashunu bharanih. ³ Monje meh kho neih shunh khemeh khikha shipbha deyih tih tahlla dehno. ⁴ khere makha sharoh luntunk khulbe we showanih kha tahkha makha sholuh domoh domoh khan mannih tih khokho. ⁵ Pip minnah wehmeh dokhon mehdokh kha dah khan dah linyah minnah yeh. ⁶ ma khan lawuh dah tih minnah tih pishe dah meh deyoh tih piri nih ma akham tah penkhileme. ⁷ meh diyah tih minnah meh shanyi meh sha pip shinram weh minkhemeh anfaroh tah shunh weshukhge makha woshunh pir diyameh. ⁸ pip pir weh meh linyoh mayelle melkhemeh meh shunh pip shinram weh weyelle wannah meh. ⁹ meh bhadeh kha minyah pirah wetih shekki nih meh tehshuh diyah minnah nih nemnoh meh. ¹⁰ Khishe pip pirih weh mah linyoh mashunu a memeh me ghakhilo kho kho meh tih tewih. ¹¹ khan bhalkhi pirimeh tahnoh tih shikk shomuh muh darkhemeh tih pishe khishe meh pennoh diyah minnah yamba nemnah. ¹² neitih tehmah tih pallla reh tih woshanih tih sudinah tih khun piri yeh. ¹³ Dohneme korosinu dameme betsaidai khan shinram weh weyoh tih shekki meh shunu yoh tih taya khan sido khan tuni mashunu munh shanbho yelle diyah khan shellyih kha mayaweh yelle tih foyanih khan furoh. ¹⁴ tih pallan khoh tih woshanih tih taya khan sido tih khunmoh. ¹⁵ Teih kafarnahum yeshiyeh tih khgakh tah yohmih bhudeh bhudeh khunyin tah yohnih wewaroh shewe. ¹⁶ Pip anshilemeh neh weshinliyoh ankhuromoh khuro neih pip ankhuronoh miyah weshunnah khurkhenih. ¹⁷ Weshunuh yakhobho shunu penkhela khan tomah shikk shunuh tehwih tahyoh shunu limim tih shewremah elekhun shamokho. ¹⁸ shakki tehshunn neih wehwuh jilim showh shunkha khikha mallyanih. ¹⁹ bhanah neih mukhemeh jilim weh tauwuh khu letih khan bhadere meh shallo tih khunyih pip jilim anghanah akhan we tah nawemeh winkhulunkh. ²⁰ Pip khishe makha yoh tomoh shikk limim tah shewre meh yoh tomoh shikk elekhun bhallo sholoh meh tih ghakh. ²¹ Tih pishe mannuh pallah yoh tomoh shukk webhayih khan jilim khu shakki tewih neih faminkho tohnom khan tahmunh ghakh khan ilin elekhun khi tunkhayoh wehyeh weyoh tih miyah pennah khan miyah teih khe funkho tih munyan we yelle apennoh khishe neih paminkhekho khei tahnoh elekhun wehyeh wehyabhgakho yoh. ²² Shinram weh tahmoh munkheneh a khan mannih weh pennoh tih yataih lawuh khan weh shakki pennih wehyeh tahnih khan lawuh khan weh shakki pennih wehyeh tahnih khan lawuh khan weh lawuh mennoh shun khunnih. ²³ shakka khan penkhilanih tih shipbha foknih shakki teishun ghawahnih weh walla diyah tih andeh weh shuna wewuh shunu nikho. ²⁴ nei tih pir teinih anbhakhah khan ankhubfenah bhgah shinu minno nekhanih shinllih shunu ashillo. ²⁵ Bhanoh mannih anpennah attuna shakkih illoh shakki nawnih shakki tewih anshabir maneih tah yoh nih naih weh yalosho weh a bhaehmin. ²⁶ Yeshu teihnih manih bhallanih tih yah attaura mayakhai ²⁷ khe yohyih shakki dewihnah makha mehnah tahmunh khan yamba kha pip yahlosho kho kha pip losho kho kha pip shellga kho khei menuh mallohkho khe kha khun kho. ²⁸ yeshu teihnih khe dehkho khi she dohkh yohnih khishe khereh diyahnin. ²⁹ Shakki miyah meiji dakhello khunih shakki teihwuh tih yeshu mannoh mallonoh. ³⁰ shakki yeshu dehwenih mannih linyah illoh tih urushalima tih waroh yariko anjilin shunu lawuw weshinih shunu yohni bhukha wehbhgah shunu khoyo shunu washenih shinanni khan yamba. ³¹ Tih mohweyeh diyah mannih anwawauh wannah tih piri tih dekh kho kho weh shakki wewuh shikk shakki wehroni tih fok jehleh shakki khonin wihnin. ³² khishe mannih balawe shakki fonnah piri wohshinnih werenin tih fok jehlleh khonin wihnih. ³³ Tih pishe kho kho wannah mannih basamariye weh shakki wewuh shikkih linshilla tih fok ³⁴ khekhenih shakki patunh mall akha aman buhrah shakki khan linih tih weshunanih. ³⁵ kha bhallah yapiri shakki wolloh khulbe pellou shakki munh tih anminnah mashak nihkho an pira pip weh shakki bhakho kha yahbih shakki tah muhnih fok. ³⁶ Tih shikki bhumunin manoh dehyoh mamallonih weh mihyah jinlin bhakho. ³⁷ shakki teihwih minyah weh mikhenin shakki yeshu teihnih mashakki waroh mayoh khishe. ³⁸ Yelle tih yoh mehlle shakki khan linmanih piri mannih fohmim shamoro marta montoh dekhenih ³⁹ mohtoh khan molloro shomoroh maryamu weh teih diyoh tah dohnih tamu taih tih shillo paro nin. ⁴⁰ Marta khan weh bhgah tih yohnih teihwani tih tamunh bhanoh mollonoh mehtoh millino mentoh woshikhenoh wehyou doknon teitun matein milliinoh. ⁴¹ shakki tamuh mentunh marta, marta shikhgayih illoh tih khun weh shirih bhananih ⁴² weh bhananih wikhalik weh walla dok marau teih shahkho weh walla akham mihyah wobtah khewahnim.