¹ Tih pisheyeh Jimlim wediyah tih khenireh mammah khupepe tah dakhuhoh webhgah shunam lipir shikkga limin andokkho khah anshanbir. ² Wedakhelan mannin meyah shaww menwe yoh kheyoh pirshikhga dakhulah. ³ Shimun meyah khayoh piri dikha kha shun weshinna shiram sheram we yamba yoh khan menwe mumkho khullin yelle khau pammani. ⁴ Tih pisheyeh pip we yamba yoh walla mamkha kurah wem mamuh khekhau kha pamani. ⁵ Monje bhudoh tih piri paroni yamba khan diman. ⁶ Khatoh tih mamullah manruwe khe deyah anmimman tih anshamrah almasiya yeshu wa i kheni khan paro bhgak kha we shunbir we the warekho tih be bhomin. ⁷ khuwah shinnig we awallam khan da khellani Jah khukho khan warah binin yamba wewehwalla tih. ⁸ khakho weh shakkhi munkho fak kha losho we mohje khan tom. ⁹ Paro yeh diya we khewan dekh ¹⁰ Monje tih pishe khun paro we muntih shun veveh muntih yoh wewu mun lini khumo khan yamba kha dokg shakki we shauyuhmu pip linya khan menwe munje khullin. ¹¹ Khai munkho paro tih khunwe mayah shunbir khan tah. ¹² Khereh kha mennpiri manni khan dakhuilla yellekhom khai diyah we fak tih meawe munkho khullin khan paro khan shungah khan khumin khan weh bhgak khan bhudan. ¹³ Neih tah watoh khan welinfok khan bhallani tih linyah webhalla khan yoh Jonnah khan we yoh shunbir. ¹⁴ Khere kha yoh shewomin khan we weyohkhekolo we wemumkhekho tih piri khellin we mambhudina piri dima yelle linyoh shilla tah khunkho. ¹⁵ Shellin khun we bhgak dokg mayelle minjho khwan ton kho we khe yohyin. ¹⁶ Bhanim khunkho khan shunbirkho tahmo piri shikkhgo tih pishe khekrominu khunkho khan mayah shillin kho.