^{3 12} Fomin madiyah anshubir khan shuwani kha ammenanni shellani. Nai men piri fomin makha diyah anshubir kho toh tih mannaro maton akhan yoh paroh. ⁴ Shakki madiyah antumburo shubhani madiya anshillani. ⁵ Madiya apenun tumbure shibha ni tah yoh tayakha shakki bhatoh piri dimon yamba. ⁶ Makha diyan anliyani foyohman makha diyan anshokro khu tah shukhaga tah khubi we bhokhuro tih limmim. ⁷ Tin pishe madiya an bhotani khan linya wetih tallamu mailha diya we follo shakki shukhuma tah khubin nin limin. ⁸ Meyah yoh foran tih piri diman madiya anbhutain we ankha khufgok pellumen akhan an shemem kham dallak anmewebha. ⁹ Shumu mashunuh bhatah bhgak yoh pirshikha khan bhudon shikki. ¹⁰ Tih moyeh tah makhyoh kha khgau manikhon maakham we falloh ma yelle khau faroh yohni. ¹¹ Kheshe shellep madiyah ankhan shikk shunum ameyah khalanimin meyah khau khunyoh meyah minani tih doh khokhoh. ¹² Meyah farah ma yelle diyah anfominh dokk dokk meyah janun shibbo yoh khan shorih memeh walla. ¹³ Meyah yoh foroh kha shikk yelle tah weni tih khaunyoh shumon khan bhotoh minnan bhgak shikk tih piri almasiya yeshu. ¹⁴ Neh tih lin losho warrah piri khai atih yahkhanim neh tih bhalekho weyeh. ¹⁵ Khekha maneih diyah tah yahkhani penuh shuran diyah we khere yoghni tih tallah linyani yamba tehne piri diya yama khan neshah bhgak khullin kha anbhgak. ¹⁶ Kham lih bhgah we tukhani wedimani diyani pekhelah shinim lohshikk Jilim shukho shakk we walla anshurah wekhani yoh tih linyahni paro makho khullin tih khun pepab Sharkheni hamkho piri yeushikk.