¹ Phalang wene wannar phiri me molonoh na watah khan phenang pharo ko phere kpaleh tuggan weh khan yamba. ² Ne menuh ta bongnong manu khenga pheno phalang wene kham khan meih shakkhi yesu Almasihu loganing. ³ Neh kham khan shugah kha sheuwuh khah morenshik. ⁴ Kha shuranoh kha kpalu kholuk angeh kha alpharoh phereh weshau khunoh ma shunoh wanna phirenoh jilib khangbag. ⁵ Lukkhugbabgf loshohme ma diya phere lenya ti yetei gbagnoh yamba. ⁶ Banjeh munuh pharo phere khan meya we weuh, ma phere khuphephe khan meyan khub khu pherah weta demmani. ⁷ Ma kheshe munda pharo phere yamba tukkha khulli, tukkhanb phere kha yamba weyuh we khu pirah phamami. ⁸ Angeh mannih khub khu phephe we phenoh phereh ma yele phenoh ta phalang yeleta logho mungbure phemeh. ⁹ Khugah balla we we angeh ado we weuh angeh khumoh we hilouh angeh ya losho we linyong kha yamba we kbagere ti lenya we menjemi. ¹² Munah khau jilib khuphiram, jilib weh wanna ti phirin yamba. Lukkhu weh munemu forani ti khinah yamba. ¹³ Muneti yu pharo we lalih khan phere khan lenya weta phenoh shuppherrum, khe she jilib we shupphere kha mu. Jilib ti phiri alim aleh diye wala kha phere diyewala. ¹⁴ Meya angeh jilib walam akheshi ti phiri jilib yamba, khiji shualla ti phiri, diya phenanoh angeh jilib weta shuweuhyung. ¹⁵ Meya khan jilib wala ta yukhok ti khu phep, ma kheshe angeh ti yeteih khok kha shuri lenya. ¹⁶ Manungta phenoh ya losho mun gbureh, we ta munnih khokho, ma munoh kha yalosho shara shenoh almasihu.