¹ Bulusi yehti phirinoh Almasihu yesu weh diyoh anshurah khgan khi yamba kha Moplommong sastinisu ti lenyanoh. ² Yamba ti koronti khan memme weh kholhoh lukkhu khuinoh Almasihu yesu we yiwuh lukkhu memme we yerle yuuti diya kub, munti ballaming phep weh yege. ³ Yung kha shumoh mungbureh yesu Almasihu kottong shakkhi mungbure yung khan mangbure. Ma khungah khan dimong ma watu phosmeh ti phennoh yamba tah muh khan mungbureh yesus Almasihu. ⁴ Kodimni nne ti phammoh yamba lukkhumeh lukkhu khugha yamba khan Almasihu yesus mayuh meh. ⁵ Ma muno meh kparah ti khokho tiyetei pharp kha phep phgenang. ⁶ Khigah weh Almasihu tigoh khullih ti shekhemeh. ⁷ Ma kheshe ma anphere konang khatcih phereh ti khokho pharoh wala tar jingme meti dang warenoh mungbureh muh yesu Almasihu. ⁸ Ta mutuh yahosomong ti phiring teiya. Mai diyan angang digghim phalang mungburehmuh yesu Almasihu. ⁹ Yamba anyuwehkpang (Aminci) shakkhi weh yegemu ta phirin gaukhui kha lahmih. Yesu Almasihu mungbureh. ¹⁰ Nneti dimmeme ma molonoh, tishekhu shomonnoh mungbure yesu Almasihu me menoh kha shapphirr ma khangah bwallong kwalloh ma ti shekkhe meh nne ti dimmeme mediya kha ya losho dok kha fuk dok. ¹¹ Lenya monnanoh kukowi yele wannah pharo ta kham ming. ¹² Bwalla khui ti shekheme Nne ti teuwah konong ti phiri teuwa shakkhi shenoh Bulus meshenoh apolos neshemoh Kefas mannih shenoh Almasihu. ¹³ Almasihu Bwallani? logho Bulus? lukkhume? bingeme am kha shunoh Bulus? ¹⁴ Nne phammnoh yamba na binah am timan min dok minnanoh kiristus kha hayus. ¹⁵ Nne yuweh lukkhi manning ma khengah teuwuh Nne bigening am ti shekkhi shumonom. ¹⁶ Nne binoh am ti minnanoh setifanus, ma khesheyen na pherom ko noyuh ti mannim. ¹⁷ Almasihu a shuronom lukkhu bina am tiy henyam, ta manoh kpalor pharo tumohg a shurnom, ne kpalo pharo kha phereh lenyam, lukkhu logah ming Almasihu gbangnimg. ¹⁸ Kpalo pharo logah shulla khan moroh ti yeteinoh yamba ti meleh gbang yamba. ¹⁹ Ta ballani shakkhi ta wangyu khiu phere am phere Nne dekkhildekhoh phenong amphenang. ²⁰ Tongh amphere? tongh phirayenut? yamba phegelu phere klou phephe shualla?. ²¹ Ma kheshe khu phepe tiyetei pherero ta phenouh yamba yukhona ti yamba shualla ti phiri kpalon pharo ma meluh meya weh menong khulli. ²² Yahudawa menje weh khgokhongbag, Hellinawa shunoh ti banung phere. ²³ Munoh ta kpalouh pharoh Almasihu logahlogeh paudi shugerrh ti yahudawa khan shuala kha Hellinawa. ²⁴ Elikhu yamba yu yeh, yahudawa kha Helinawqa munti kpala pharoh Almasihu ti paro gbag phereh yamba. ²⁵ Shualan yamba khokho lenya phere, angeh gbag yamba khokho gbag lenya. ²⁶ Me nengho yehmeh mamolonoh a phep mehkhan pherem ti phiri wehmakkho lenya, aphepmeh wegah gbaghim a phep meme we khan lauh am kubnunam. ²⁷ Kheshe yamba shakkhingho we we wala ti kuphera ma yushekkhauleh kha menya phere ²⁸ Yamba shaggho we weh yele angeh khan gbag, ti kuphere ma shekkhauleh khan menyang we welam we we yele khroh ti kupherah. ²⁹ Shakkhi shaggho sharo ti suk wem lukkhu ma shakkhi mashekhau leh ta khui a sharo walam, Yusho weye mamanih ma khengah weh lukkho gbudo gbudo khui ti ya donih. ³⁰ Weh weh yamba yuhoh munje me tiyeti Almasihu yesu we digge muh phere yamba, we diyo khunghomuh khan khubmu kha foramuh. ³¹ Weh shiklorogho khiga weh wi telkho. Wusho meyan gbudo gbudo khui ma yu gbudo gbudo tiyetei mungbureh.