¹ "Bulelo bwakujulu bulakaba mbuli banakalindu bali kumi bakabweza malampi akuya kuswaangana uushibwiinga. ² Bosanwe babo kabali bayozhi alimwi bosanwe kabacite basongo. ³ Nkaambo ciindi bayozhi baya nibakabweza malampi, taaku nibakabwezelezha mafuta. ⁴ Pesi baya basongo bakabwezelezha atubbukuula twamafuta antoomwe amalampi aabo. ⁵ Ono ciindi shibwiinga naachelwa kushika, boonse bakanyumfwa tulo, bakona. ⁶ Ano pakati kamashiku kwakaba koongolola, ' amubone, shibwiinga! kamuya anze akumuswaanganya.' ⁷ Boose banakalindu baya bakabuka akuyasha malampi aabo, ⁸ Bayozhi bakati kubasogo, 'amutupeko tumafuta nkaambo malampi eesu atekuzhima.' ⁹ "Pele basongo bakaingula akuti, 'kaambo kakuti tatucite mafuta manji aakwabana andimwe, kamuya kuli babo baulisha mulyuulile.' ¹⁰ Nibakacili kuula shibwiinga wakashika, alimwi boonse bakalibambilile bakaunka awalo mupobwe lyabwiinga, acitendele cakajalwa. ¹¹ "Nikwakainda ciindi abamwi banakalindu bakashika akuti, 'Balemu, balemu, amutujalulile tunjile.' ¹² "Walo wakaingula akuti, ' ncancine ndaamba kulindimwe, tandimuzhi mwebo.' ¹³ Aboobo amucenjele, nkaambo tamuzhi buzuba naa iwola.