¹ Amane Jesu wakaamba ku mbunga a bashiciya. ² Wakaamba, "Bamalembi abamafalisi balakakala a cuuna ca Musa. ³ Aboobo kufumbwa nzhibamwambila kucita, muzhicite izho zhintu a ku zhibamba. pesi mutaiyi mubacita, nkamba balamba zhintu pesi tabazhiciti. ⁴ Eeye, balanga mikuli iilema yalo iishupa kumyamuna, amana balaitula amafunzhi aabantu. pesi balo beeni tabacikonzhi kwenzha munwi kwiinyamana. ⁵ Balacita yonse milimo yabo kuti beembelwe kubantu. nkambo balakomezha mabbokesi aabo, alimwi balakomezha mamanino a zhisani zhabo. ⁶ Balayanda masena aabwami ku mapobwe a zhuuno zhabwami muma Sinagogi, ⁷ akwaanzhigwa kwaandeene mumasena aakusambalila, akuti kabaitwa, 'Bayi' kubantu. ⁸ Pesi tamwelede kwiitwa 'Bayi,' nkambo mulicite Muyi omwi, noonse muli babunyina. ⁹ Alimwi mutaiti muntu anyika Tata, nkambo mulikwetebo uso omwi, alimwi uli kujulu. ¹⁰ Na imwe kwiitwa 'bayi,' nkaambo mulikwetebo muyi omwi kilistu. ¹¹ Pesi manene akuti kanu ulaakuba mutwanga wanu. ¹² Kufumbwa ulisumpula mwiine ulakafwiinshigwa, alimwi kufumbwa uulifwiinsha ulaakusampaulwa. ¹³ Pesi maawe kuli ndimwe, nubalembi a ba Falisi, bashikuupaupa! mulajalila bwami bwa kujulu bantu. nkaambo adimwe nobeene tamukabunjili, alimwi nokuba kuzumizha aabo kunjila kucita ubo. ¹⁴ Maawe kulindimwe nobalembi aba Falisi, abashikupaupa! nkaambo mulanyonyoola manda abamukabafu, mulalitondezha kupaila mipailo milamfu. aboobo mulaakutambula mulanda munene. ¹⁵ Maawe kulindimwe, nubalembi a ba Falisi, bashikupaupa! kaambo mulalanduka lweenge akusandula umwi, usanduka,mulamucita mbuli muna gehena kobile kwiinda ndimwe. ¹⁶ Maawe kuli ndimwe, imwe nubasololi boofu, imwe numwamba, 'kufumbwa ulumbila a tempele, ciina makani. pesi kufumbwa uulumbila a ngolide ya tempele, ulangwa kucikonke caakwe.' ¹⁷ Imwe nuboofu bayoozhi ncili cinene, ingolide olo teempele iipanga ingolide kusalala? ¹⁸ alimwi, kufumbwa uulumbila kucipaililo, taaku mbocibele. pesi kufumbwa uulumbila a cipo cilipawo, ulaangwa kucikonke caakwe.' ¹⁹ Imwe nubantu boofu! ncili cinene, cipo na cipaililo cipanga cipo kusalala? ²⁰ aboobo, uyo ulumbila a cipaililo ulalumbila ancico a zhoonse zhiliwo. ²¹ Umwi uulalumbila kutempele ulalumbila a ndilya alimwi aukala mumo. ²² Alimwi umwi ulumbila a lijilu ulalumbila a cuuno ca Leza anguyo uushite mpawo. ²³ Maawe kulindimwe, nubalembi aba Falisi, bashikupaupa! kambo mulapa cakumi cazhishumani, ciboondwe a mpububu, pesi mwaleka kucita zhintu zhiyandika zha mulawo-bululami aluse a Lushomo. pesi aaba mulalombozha kuti bacite akutashiya kucita niciba comwe. ²⁴ Imwe nubasololi boofu, numushipa insenya pesi mulamina inkamele! ²⁵ Maawe kulindimwe, nubalembi a ba Falisi ba shikuupaupa! kambo mulasazha pansengwe pakaapa apambale, pesi mukati balizhile buunyu abushaacivule mwangu. ²⁶ Imwe nobaFalisi boofu! amutangune kusanzhan inkaapu mukati ambale, kwaamba kunze akwalo kutube. ²⁷ Maawe kulindimwe, nobalembi aba Falisi, bashikuupaupa! nkambo mulimbuli zhuumbwe zhituba pajulu, zhiboneka kabotu, asengwe, pesi mukati mulizhile mafuwa abantu bafwile a zhoonse zhisofweene. ²⁸ Munzhila ngiyona, andimwe mulaboneka kululama kubantu, pesi mukati mulizwile kuupaupa akubula mulawo. ²⁹ Maawe kuli ndimwe, nobalembi a ba Falisi bashikuupaupa! nkambo mulayaka zhuumbwe zhaba shinshimi akubosho zhumbwe zha balulami. ³⁰ Mulamba, 'nitwakapona kumazuba a ba matata, nitwatakabasangana mukutila bulowo bwa ba shinshimi,' ³¹ aboobo mulapa bumboni nobene kuti muli bana babo bakajaya ba shinshimi. ³² Andimwe mulazuzha ceelekelo ca bamauso. ³³ Imwe nobazoka, nobaana ba bacipile mbuti mbweemukaloboke lubeta lwa mulilo? ³⁴ Aboobo amubone, ndamutumina bashinshimi imi a bamasankwa basngo alimwi a balembi. bamwi mulaakubajaya akubabambula, alimwi bamwi mulaakubakwipa mu ma Sinagogi aanu aubeenzha kuzwa mu dolopo akudolopo. ³⁵ Ceelekelo ncakuti, alindimwe bulaakuza bulowa bwabasalali ubo bwakatilwa anyika, kuzwa kubulowa bwa mululami Abelo, kushika kubulowa bwa mululami Zakaliya mwana wa Balakiya, ngumwakajaya akati kacikombelo a cipaililo. ³⁶ Cakushinizha ndamwambila, zhintu izhi zhoonse zhilaakaza kumusela uyu. ³⁷ Jerusalema, Jerusalema iwe nujaya bashinshimi akuuma mabwe aabo batumwa kuli ndiwe! mbuti lyoonse mbundakelezha kubunganya baana bako antoomwi, mbubona mbuli nkuku boibunganya twaana twanjiyo mumababa, pesi taaku nimwakayanda! ³⁸ Bona, g'anda yaako yacaala matongo. ³⁹ Nkambo ndamwambila tamushimukamubone kuzwa ono kushikila mukambe, ulilelekelwe uyo uza muzhina lya Mwami."'