¹ Ma huadxi, dxi guenda riziladxi, ne derupe si ira gueela nirú dxi xti semana, María Magdalena ne xti María que la? beda gu'ya ca be ra ba' xti Jesús. ² Ne malasi guca ti xú roo, ti purti ti Ángel xti Señor biete dede guibá'; beda ne binii bi guie que ne guri luni. ³ Ne labe ruzanibe casi xpiani rayu, ne xhaba be naqui'chi casi nieve. ⁴ Ca dxu ni cayapa que la? cayaca diti ca de dxiibi ne bichonga ca casi ti gue'tu. ⁵ Ne Ángel que gudxi ca gunnaa' que: "Que guidxibi di tu, ti naa nanna zedayu bi tu Jesús, ni gucua lu' cruz. ⁶ Labe ma que nuu di be rari', ma biasa be de lade gue'tu, casi ca Laabe guni be. Lata guuya ra gutá Señor. ⁷ La guxhooñe ne la chitidxi ca discípulu: "Laabe ma bibanibe de lade gue'tu. Laguuya, Laabe sa nirú be luutu ndani guidxi Galilea. Raca latu zuuyatu Laabe. Na ma gudxe ni laatu" ⁸ Ne oraqueca ca gunna que biza'na ca ra biga'chi Jesús que ne xtale dxiibii ne zaca ca ne xtale guendanayeche', biree guxhooñe ca be sitidxi ca be ca discípulu. ⁹ Malasi Jesús bidxela laacabe ne gudxi laacabe: "Pa diuxi". Ca gunnaa que bidxiñaca ne gudidxi cabe ñeebe ne bisisaca cabe Laabe. ¹⁰ Ne ora que Jesús gudxi laacabe: "Que guidxibi tu. Lache ne lagabi ca bi'che checa Galilea; raca su'ya ca be Naa" ¹¹ Laaga ca gunnaa que zeeca la?, tudxi de ca dxu ni rapa guye ndani guidxi que ne gudxi cabe ca xaique ca sacerdote guiraa xixé ni guca di. ¹² Ne ora ca sacerdote ne ca binni gola gucua liza ne guni liza cabe de ni guca di, laacabe bidii cabe xtale bidxichi ca dxu ¹³ ne gudxi cabe laca: "La guini de que ca discípulo xti Jesús beeda ca lu gueela ne gulana ca cuerpu xtibe laaga niasi tu" ¹⁴ Pa ndi chindani ra nuu xaique guidxi la?, laadu zani ne du laabe ti que chuu guenda nagana ne laatu. ¹⁵ Ne ora que ca dxu gucua ca bidxichi' que ne bini ca casi gudxi cabe laaca. Ne ni guca di la? birecheni lade ca Judiu ne nuu runi de nagasi. ¹⁶ Ne ca chii ne tobi de ca discípulu guyeca Galilea, lu dani ni Jesús gudxi laacabe. ¹⁷ Ne ora laacabe bi'ya cabe Laabe la?, bisisaca cabe Laabe, huaxa tudxi de laacabe que ñini cree di ca be. ¹⁸ Jesús beda ra nuu cabe ne gudxi laacabe: "Guiraa xixé guenda' xti guibá' ne guidxilayú ma bidii cabe ni Naa". ¹⁹ Lachee yana, ne laguni jma discípulu. Ne la cu' nisa laacabe lu lá Bixhoze, Xiiñe ne Espiritu Santu. ²⁰ La gusidi laacabe be guna cabe guiraa ni Naa ma bisenda laacabe. Ne laguuya, Naa nua nia latu dede guiraa dxi, dede dxi guiluxhe guidxilayú.