¹ Na oitavu mes di sugundu anu di renadu di Dariu, palavra di Nhordes ben pa Zakarias, fidju di Barakias, fidju di Idu, prufeta. ² Nhordes staba xatiadu dimas ku nhos pai! ³ "Fla-s: 'Si ki Nhordes di Izersitu fla: "Nhos ben pa mi!" Keli e diklarason di Nhordes di Izersitu. "N ta ben ti nhos", si ki Nhordes di Izersitu fla. ⁴ Ka nhos bira mo nhos pai, ki na pasadu prufetas fla-s: "Si ki Nhordes di Izersitu fla: 'Nhos rapendi gosi di nhos mau kaminhu y di kuzas mariadu ki nhos ta faze!'. Ma es ka obi, nen es ka presta atenson", keli e diklarason di Nhordes. ⁵ Nhos pai, undi kes sta? Undi sta nhos prufetas? Es permanese li pa senpri? ⁶ Nha palavra ku nha lei ki N manda ku nhos servus, prufetas pa nhos pai ka txiga?'" Nton, es rapendi, ta fla: "Kuza ki Nhordes di Izersitu pripara pa fazi ku nos, trokadu kuzas mariadu ki nu faze, si ki E faze'"". ⁷ Na dia vinti kuatu di desimu prumeru, ki ta txomadu mes di Sebati, na sugundu anu di renadu di Dariu, palavra di Nhordes di Izersitu ki ben pa Zakarias, fidju di Barakias, fidju di Idu, prufeta. ⁸ N odja, di noti, un omi, ki staba riba kabalu burmedju, y staba na meiu di mutrera di rubera y, tras de-L, staba kabalus di kor burmedju, kastanhu-klaru y branku. N fla: "Sinhor, keli e kuze?" ⁹ Nton, anju ki dja falaba ku mi fla-n: "N ta mostro-U kuze ke kes kuza li". ¹⁰ Nton, kel omi, ki staba di pe na meiu di mutrera, responde-N, ta fla: "Ke-s li e anjus ki Nhordes manda a ronda tera". ¹¹ Es rasponde pa anju di Nhordes ki staba na meiu di mutrera, y es fla-l: "Nu staba ta ronda tera; y tudu tera inda sta kalmu, ta diskansa". ¹² Nton, anju di Nhordes responde y fla: "Ó, Nhordes di Izersitu, ti ki tenpu bu ka ta mostra konpaxon di Jiruzalen y a sidadi di Juda, ki duranti stenta anu ten pasadu disprezu?" ¹³ Nhordes responde pa anju ki falaba ku mi palavras dretu, palavras ki konforta-N. ¹⁴ Nton, anju ki dja falaba ku mi fla-N: "Txora y fla: 'Nhordes di Izersitu fla keli: "N tenba kudadu di Jiruzalen y pa Sion ku grandi konpaxon! ¹⁵ N sta txeu xatiadu ku kes nason ki ta xinti suguru. Kantu N staba un poku xatiadu, y es kirse ses maldadi". ¹⁶ Purisu, Nhordes di Izersitu fla: "N ten voltadu pa Jiruzalen ku mizerikordia. Nha kazata ta ben konstruidu na meiu de-L - keli e diklarason di Nhordes di Izersitu - y fiu di midi ta ser kersidu riba Jiruzalen!" ¹⁷ Diklara otu bes, ta fla: "Nhordes di Izersitu sta fla si: 'Nhas sidadi ta ten di nobu muti rikeza, Nhordes ta konsola un bes mas Sion y, di nobu E ta skodji Jiruzalen'". ¹⁸ Nton, N labanta nha odju y N odja kuatu txifri! ¹⁹ N fla pa anju ki flaba mi: "Kes kuza li e kuze?". E responde-N: "Es txifri ki spadja Juda, Israel y Jiruzalen". ²⁰ Nton, Nhordes mostra-N kuatu fererus. ²¹ N fla-L: "Kuze ki kes algen li ben faze?". E responde-N, ta fla: "Kes txifri ki spadja Juda, ti ki ninhun omi ka konsigi labanta se kabesa. Ma kes algen li sa ta ben da ku txifri di nason na txon kes ki labanta kalker txifri kontra tera di Juda pa spadja-L.