¹ Odja! N ta ben manda nha mensajeru, E ta ben pripara kaminhu dianti mi. Y Nhordes ki bu ta djobi ta ben direpenti pa se tenplu. Nhordes fla ma mensajeru di aliansa ki nhos ta dizeja, ta ben. ² Ma kenha ki ta guenta dia Ke ta ben? Y kenha ki ta podi fika di pe ora ke parse? Pamodi el e sima lumi ki ta purifika y sima sabon ki ta linpa tudu. ³ E ta ben xinta pa julga sima purifikador di prata, y E ta purifika fidjus di Livi. E ta rifina-s sima oru y prata, y es ta traze oferta di justisa pa Nhordes. ⁴ Nton, ofertas di Juda y Jiruzalen ta ser prazerozu pa Nhordes, sima dias antigu y sima anu di antiguidadi. ⁵ "Nhordés di Izérsitu fla: Purtantu, N ta txiga pa-N julga nhos. Rapidamenti N ta tistimunha kontra fitiseru, adúlteru, falsu tistimunhu y kontra kes ki ta oprimi trabadjadoris na se salariu, kontra kes ki ta oprimi viuva y orfon, kontra kes ki ka ta djuda stranjeru, y kontra kes ki ka ta onra Nha nomi. ⁶ Pamodi Mi, Nhordes, N ka ta muda; purisu, nhos povu di Jakó, ka distruidu. ⁷ Désdi dia di nhos pai, nhos rijeta nhas norma y nhs ka guarda-s. Nhordes di Izérsitu fla: Nhos volta pa Mi, y ami N ta volta pa nhos". Ma nhos ta fla: 'Modi ki nu ta volta'? ⁸ Algun omi podi roba Deus? Ma nhos sa ta roba-M. Inda nhos ta fla: 'Modi ki nu ta roba-U?' Na dízimu ku oferta. ⁹ Nhos tudu sta amaldisuadu, pamodi nhos roba-M. ¹⁰ "Nhordes di Izérsitu fla": Nhos trase tudu dízimu pa kaza di tizoru pa ten kumida na nha kaza. Y nhos prova-M, y nha ta odja si N ka ta abri abri janela di séu y lansa txeu benson riba nhos. ¹¹ Nhordes di Izérsitu fla: N ka ta dexa praga straga nhos plantason, y videra na kanpuka ta perdi se frutu". ¹² Nhordes di Izersitu fla: "Tudu nason ta txoma-nhos abensuadu, pamodi nhos tera ta ser bon." ¹³ Nhordes fla: "Nhos usa palavra duru kontra mi". Ma nhos ta fla: 'Kuze ki nu fala kontra Nho?' ¹⁴ Nhos ten fladu: "Kabali pena sirbi Deus. Ki pruvetu nu ten na guarda ses mandamentu o nu ta lamenta dianti di Nhordes di Izérsitu? ¹⁵ Y, gosi, nu ta txoma aroganti di abensuadu. Kenha ki ta faze mal ka ta prospera, sima es ta tenta Nhordes y ta skapa". ¹⁶ Nton, kes ki temeba Nhordes ta fla kunpanheru. Nhordes fika atentu y obi-s, y un livru di mimoria staba skritu, dianti Del, sobri kes ki temeba Nhordes y ta onraba se nomi. ¹⁷ "Es ta ser dimeu", Nhordes di Izersitu, "Nha propredadi partikular, na dia ki N ta aji. N ta ten mizerikordia des, sima un omi ta xinti mizerikordiadi se propi fidju, ki ta sirvi-L. ¹⁸ Nton, mas un bes ta fika klaru pa nhos, kenha ke justu y kenha ke mou, kenka ki ta adora Deus y kenha ki ka ta adora-L.