¹ Y gosi, ó saserdotis, es mandamentu é pa nhos. ² Si nhos ka obi kela y bu poi nhos kurason pa da gloria na Nha Nomi", Nhordes di Izersitu fla, "N ta manda un maldison pa nhos y ki ta ben amaldisoa tudu kes ki resebe pa ses trabadju. Na verdadi, es dja sta amaldisuadu, pamodi bu ka guarda na kurason Nhas mandamentu. ³ Odja, N ta reprendi nhos disendentis y N ta spadja bostaa na nhos rostu, bosta di nhos oferta, y nhos ta ser fuliadu djunt ku es. ⁴ Nhos ta sabi ma Mi ki manda es mandamentu pa nhos, y ki nha aliansa ta kontinua ku Livi", Nhordes di Izersitu ki fla. ⁵ "Nha aliansa ku el era di bida ku pas, y N da-L pe onra-M, E onra-M, y E fika kontenti pa Nha Nomi. ⁶ Nsinu verdaderu staba na se boka y ninhun falsidadi ka atxadu na se bexu. E anda ku mi na pas y retidon, y E tra txeu algen di pekadu. ⁷ Pamodi bexu di saserdoti debi guarda sabedoria y, di se boka, povu debi djobi instruson, pamodi el é mensajeru di Nhordes di Izersitu. ⁸ Nhordes di Izersitu fla: Ma nhos ki disvia di kaminhu di verdadi. Nhos fazi txeu algen da topada na nha lei. Nhos koronpi aliansa di Livi". ⁹ "Purisu, N pirmiti ki nhos disprezadu diant di tudu povu, pamodi nhos ka guarda Nhas kaminhu, o ki nhos inxina lei, nhos ta pende pa un ladu. ¹⁰ Nu ka ten tudu un uniku pai? Nu ka kriadu pa un uniku Deus? Pamodi ki nu ta aji di un manera falsu kada un kontra se irmon, nu kebra aliansa di nos pai? ¹¹ Juda aji falsamenti y un kuza ripulsivu ki fazedu na Israel y Jeruzalen. Pamodi Juda kebra lugar santu di Nhordes, ke ta ama, y é kaza ku fidja di un deus stranjeru. ¹² Ki Nhordes tra di tenda di Jakó kalker omi ki fazi keli, mesmu ke traze oferta pa Nhordes di Izersitu. ¹³ Y nhos fazi kela tanbe: Kubri altar di Nhordes ku lagua, txorus ku solusu, pamodi nunka mas E ka ta da atenson pa oferta di nhos mon, nen E ka ta aseta-s ku prazer. ¹⁴ Ma nhos purgunta: "Pamodi ki nau?". Pamodi Nhordes era tistimunhu dianti bo y mudjer di bu musidadi, kontra kel bu e infiel. Sime, E bira ku kunpanhera y bu mudjer di aliansa. ¹⁵ E ka fazi nhos un, ku porson di Se Spiritu? Y pamodi ki E fazi nhos un? Pamodi E tenba speransa di ten un disendensia fiel. Purtantu, nhos vijia nhos spiritu, y ka nhos ser infiel ku mudjer di nhos musidadi. ¹⁶ "Pamodi N ta odeia divorsiu", Nhordes, Deus di Israel ki fla, "y kel ki ta kubri se bistidu ku violensia", Nhordes di Izersitu ki fla. "Purtantu, nhos vijia nhos spiritu y ka nhos ser infiel". ¹⁷ Nhos ten kansadu Nhordes ku nhos palavra, ma nhos fla: "Modi ki nu tene-L kansadu?". Ta fla: Tudu kel ki faze mal é dretu dianti di odju di Nhordes y E ta xinti prazer na es, o "Undi sta Deus di Justisa?".