¹ Palavra di Nhordes atravez di Malakias. Nhordes fla: ² "N ten amadu nhos". Ma nhos ta fla: 'Modi ki nhu amadu?' Nhordes fla: Isaú ka era irmon di Jakó, si me N ten amadu Jakó, ³ ma N ten odiadu Isaú. N ten distruidu ses montanha y abandonadu ses eransa pa animal selvaji na dizértu. ⁴ Y Idon fla: ' Nu sta distruidu ma nu ta idifika', Sinhor di Izérsitu fla: Es podi idifika, ma N ta distrui. Omis ta txoma-s 'tera di maldadi' y 'pisoas ki Sinhor ten amaldisuadu pa senpri. ⁵ Ses própi odju ta odja, y es ta fla: Sinhor é grandi alen di frontera de Israel'. ⁶ Fidju ta onra se pai, y skravu ta onra se sinhor. Si Ami é pai, undi sta nha onra? Si Ami és sinhor, undi ki sta nha rivirensia?" - Sinhor di Izérsitu ki fla pa saserdotis ki dispreza sé nomi. " Ma nhos ta fla: ' Modi ki nu dispreza bu nomi?' ⁷ Nhos oferese pon inpuru riba nha altar. Y nhos ta fla: 'Modi ki n profana?' Nhos ta fla ma mesa di Sinhor e disprezivel. ⁸ Ora ki nhos oferese animal segu pa sakrifisiu, keli e ka mal? Ora ki nhos oferese manku y duenti, keli e ka mal? Nhos apresenta keli pa nhos governanti, e ta aseta nhos o ta agrada di nhos?". ⁹ Sinhor di Izérsitu ki fla. "Gosi, nhos sa ta tenta pidi Nhordes favor pa ten mizerikordia di nhos. Ku kes oferta na nhos mon, Nton Deus ta agrada di nhos?". ¹⁰ Ó, si staba un algen na nhos meiu ki fitxa porta di tenplu pa ka sendi lumi na nha altar en von. Sinhor di Izérsitu ki fla, "N ka ten prazer na nhos", y N ka ta aseta ninhun oferta di nhos mó. ¹¹ Pamodi des ki sol ta nasi y ti ke ta kanba Nha nómi ta ser grandi na nasons, y na tudu lugar insensu y oferta puru ta ser oferesidu pa Nha nomi. Pamodi nha nomi ta ser grandi na meiu di nasons - Sinhor di Izérsitu ki fla. ¹² "Ma nhos sa ta profana Nha nomi ora i nhos fla ma mesa di Sinhor é inpuru y ses frutu disprizivel. ¹³ Tanbe nhos fla, 'Moda ke kansadu', y nhos ta despreza-n" - Sinhor di Izérsitu. " Nhos ta trazi animal robadu, manku, duenti; y keli ki nhos ta trazi sima nhos oferta! N debi aseta di nhos mon?" - Nhrordes fla. ¹⁴ "Malditu e malandru ki ten animal sen difetu, matxu di se ribanhu y fazi votu pa da-n, ma mezmu asin, e ta sakrifisa pa Mi un difetu" - Nhordes ki fla. " Pamodi Ami é grandi Rei" - Sinhor di Izérsitu ki fla - " y nha nomi ta ser onradu na meiu di nasons".