¹ Lenbra di bu Kriador na kes dia di bu juventudi, anti ki ben dias di difikuldadi, y anti ki txiga kes anu ki bu pode ben fla: N ka xinti prazer na es; ² faze kel-li anti ki lus di sol paga, di lua i di strela, y nuven sukuru ben dipos di txuba. ³ Ta txiga tenpu ki kes ki ta guarda palasiu ta treme, y kes ómi forti ta dobra, y mudjeris ta pára ses muedor, pamodi ta sta poku, y kes ki odja pa fora di janela dja ka ta odja klaramenti. ⁴ Ta txiga tenpu, ki portas ta ser fitxadu na rua, y ta kaba barudju di muinhu; oras ki ómis ta fika asustadu ku baradju di un pásaru, y kantiga di vos di mosas ta dizaparese. ⁵ Ta txiga tenpu ki ómis ta xinti medu di altura y di prigu na strada, ora ki amenduera florese, ora ki ben praga di kafanhotu, y ora ki dizeju natural fadja. Nton, ómi ta bai pa se lar iternu y kes ki sta na lutu ta dixi pa rua. ⁶ Lenbra di bu Kriador anti ki fiu di prata kortadu, o tasa di oru smagadu, o jaru spatifadu na primavera, o roda di águ kebradu na posu; ⁷ anti ki po volta pa tera, di undi ki e ben, y spritu volta pa Deus, ki da-l. ⁸ Nuven di vapor, sabidu sa ta fla, tudu é vapor ki ta ivapora. ⁹ Kel sabidu era spertu y e ta nxinaba kunhesimentu pa povu. E studa y e matuta, y e pui na ordi txeu pruvérbiu. ¹⁰ Kel sabidu djobe skrebe ku palavra bibu y palavra di verdadi. ¹¹ Palavra di sabidus é sima feru ki ta prende. Sima pregu ben pregadu é palavra di mestris na koleson di ses pruvérbiu, ki é ministradu pa un pastor. ¹² Nha fidju, fika sienti tanbe di kel-li: Ka ten limiti pa skrebe livrus, y studa txeu ta kansa korpu. ¹³ Kunkluzon di tudu ki dja obidu é pa nu teme Deus, y guarda Ses mandamentus, pamodi kel-li é diver di tudu umanidadi. ¹⁴ Pamodi Deus ta traze tudu ason pa julgamentu, djuntu ku tudu kuza ki sta sukundidu, ker uzas dretu, ker kuzas mariadu.