¹ Ibwatyi icheket kominingjigei bounik, ak bounatosiek, kogas iit , kochobogis eng boisiet age tugul ne kararan, ² amat komwa kiy ne ya agobo chi age tugul, amat koek bich che bo boriot, ingoek che toloen, koborjini biko tugul mutyonet tugul. ³ Amu kigi berberen agiche keny ak kima kegase iit. Kichutech ak koratech magutik che ter ter koboto talbisto. Kikimeng'isie eng yaitiet ak ng'etkong. Kigii che kiwechei ak che kigisasekei. ⁴ Ago ye kingotook kararanyetab Jehovah Sarunindennyoo ak chamnyenyi ne chame chi, ⁵ kosoruech, ma eng boisionikab imanda che kigiyai acheget, ago ko u ole teptoi rirenennyi bo ge, eng kaunetab siget ne leel ak kaleelitetab Tamirmiriet ne Tilil, ⁶ ne kirongwech eng aiyebindo, kobun Jeiso Kristo Sarunindennyo, ⁷ si ye kagiityech imanda eng mieindonyi koyaech keegu che namu tuguk ko u kamang'unetab sobondab koigeny. ⁸ Bo iman ng'olyondoni. Amache imwa tuguchuto eng kimnatet, si kobwat icheket che kigoyan Jehovah, koyai kotugul boisionik che kororon. Tuguchuto ko kororon ak kotoreti chitugul. ⁹ 9 Ago istoege teebutik che berberen, ak tetutikab ibinwek che kigosiirto, ak suriosiek, ak bariosiek agobo ng'atutiet. Tuguchoto ko matinyei borot ak ko buch. ¹⁰ Tai chito ne ibu toiyosiek ye kageger kong ne bo tai ak ne bo aeng, ¹¹ ingen ile chito ne u noto ko kigomasta ak koyae tengekto ak koruokchinige inege. ¹² Ye tun kayogu Artema anan Tukiko, igiilge ichoku Nikopoli ole ami, amu kokatil atebee oloto eng betusiekab kaititiet. ¹³ Igiilge si saiseret eng bandang'wai Sena ng'amotiotab ng'atutik ak Apolo, si mararchi kiy icheket. ¹⁴ Ak ingonetge bikyo agiche koyai boisionik che kororon kotugul agobo tuguk che makchinige, ak si maek che ma iyei logoek. ¹⁵ Igatin tugul che mi koboto. Igat icheket che chamech eng kayanet. Ingotebi mieindo kobotok akwe tugul.