¹ Nito ko ng'ang'utiet ne bo Jeiso Kristo ne kiigochi Jehovah inendet koborji otwogikyi tuguk che biitu ne matiny ak kochogu. Ak kiiyok malaikaiyandenyi asi koborji kiboitiondenyi Johana, ² ne kibaorian agabo ngolyotab Jehovah ak baornatetab Jeiso Kristo, tuguk tugul che kigeer. ³ Iberurot inendet ne somani, ak, icheket che kasei ngalekab maoinatoni ak koribe tuguk che kigisiir eng maonotonito, amu kagorik betut. ⁴ Sirjini Johana, koityi kanisosiek tisab chemi Asia: ingotebi mieindo kobotok ak kalyet, che bunu inendet ne mi, ago kimi, ago tun choni, ak che bunu tamirmirik tisab che mi taitab ngecherenyi nebo laitornatet, ⁵ ak che bunu Jeiso Kristo, ne baoriat ne bo iman, kiboretiet nebo che kigobek, ako bounindetab laitorinikab ng'weny. Koityi inendet ne chamech ako ne kitiachech eng tengekwogikcho eng korotikchi- ⁶ kigoyaech keegu bororiet, keegu tisiik chebo Jehovah nenyi ako kwandanyi--- ingobunji inendet torornated ak kimnatet koigeny ak koigeny. Amen. ⁷ Ogeero, nyoni koboto bolik; ak tun kogere inendet konda age tugul, koboto icheket che kiga toor inendet. Ak koteiyo bororiosiek tugul chebo ng’weny amu inendet. ⁸ "Ane ko aii Alpha ak Omega" mwae Kiptaiyat Jehovah, "inendet ne mi, ago kimi, ago tun nyoni, noto ko Kamuktaindet. ⁹ Ane, Johana- tupcheng’wong ak ko aii ne kiemtei tugul nyalilda ak bounatet ak muitaet ne mi eng Jeiso Kristo--kiami emet ne kiikwen beko ne kiguure Patmo; agobo ngolyotab Jehovah ak baornatetab Jeiso. ¹⁰ Kiami eng’ Tamirmiriet eng’ betutab Kiptaiyat. Ak kiagas kutit ne o eng batenyu, ko u ne bo iriaget. ¹¹ Komwa kole "Sirji bukuit tuguk che igeere eng bukuit ak iyokchi kanisosiek tisab--- koityi Epeso, koityi Simura, koityi Pergamo, koityi Tuatera, koityi Sarde, koityi Laodikia." ¹² Ak kiakuskong ale ageer kutinato kingalalwo, ak kingakuskong ageer kelyek tisab che bo taisiek che bo tahabu. ¹³ Ak eng’ kwemutab kelyechoto bo taisiek ageer chito ne kergei ak weritab chi, kolaachi ngoriet ne koi ne itei kelyekchi ak koratege birirwetab tahabu komut tegenyi. ¹⁴ Ak ki leel metinyi ak ko leelach sumeekyik ko u kororik che leelachen- ak leelach ko u teluchi-ak ki u konyekyi mat ne liblibeni. ¹⁵ Ak ki u kelyekchi sugunwet ne sitat missing, ko u ne kigitilil eng mat, ak ki u tugenyi cheetab beko che chang. ¹⁶ Kitinye kokelik tisab eng’ eunyi ne bo tai, ak kimong’une kutinyi rotwetab chok ne ng’atiben komoswek tuwai. Ki lile bich togenyi ko u asista ne lale eng kimnatenyi tugul. ¹⁷ Ak kingageer inendet, abutyi kelyekchi ko u chito ne kagome. Ak kiigonora eunyi ne bo tai ak kole, "Ameiywei. Anendet ko aii ne bo tai ak ne bo let ¹⁸ ak ko aii ne sobei. Kiga amei, ak ogeer anyun, asobe koigeny ak koigeny! Ak atinye yateiywekab meet ak che bo oldab che kigobek. ¹⁹ Sir anyun tuguk che kaigeer, ak tuguk che mito raa, ak tuguk che tun biitu eng let. ²⁰ Ako anyun ung’otietab kokelik tisab che kegeer eng’ eunyu ne bo tai, ak kelyek tisab che bo taisiek che bo talabu: Kokelikchoto tisab ko malaikaisiekab kanisosiek tisab, ak kelyechoto tisab che bo taisiekab tahabu ko Kanisosiek tisab.