¹ King'alalji Jehovah kwanisiekcho eng keny kobun maotik konyil che chang' ak eng' ortinwek che chang'. ² Ako inendet ne kagong'alalwech eng betusiechu bo let eng' Werit, ne kigondeno koek ne namu tuguk tugul. Amu kiyai ng'weny eng' inendet. ³ Inendet [Jeiso] ko kakweng'etab talilindab torornatetab Jehovah, ako kergeindo ne bo itondanyi. Ak kotonondos tuguk tugul eng' ngolyotab kamuktaennyi. Ako ye kingo kagoyai kaundoetab tengekwogik, kwo kotebee eutab tai ne bo torornatet eng barak. ⁴ Ako kigoek ne kararan ne kindet missing eng' malaikaisiek, ko u ye konyitot kainennyi kosiir kaineng'wai. ⁵ Amu anjo eng' malaikaisiek che kimwoji Jehovah eng' betut age kolenji, "ii werinnyu kaasichin rani''? Ak kogeny, ''aegu kwanda eng' inendet ak koek werit eng ane''? ⁶ Ak kogeny, ye kingomut kiboretiennyi kocho ng'weny, komwa Jehovah kole, " ingokutungji inendet malaikaisiek tugul che bo Jehovah. ⁷ Ago kimwa agobo malaikaisiek kole, " inendet ne yae malaikaisiekyi koek tamirmirik, ak kiboitinikchi koek mat ne liblibeni." ⁸ Ago eng Werit komwa kole, '' Ee Jehovah tebche koigeny ak koigeny ng'echereng'ung' ne bo laitornatet. Shioritab imanda ko shioritab baunateng'ung. ⁹ Kiicham imanda ak kiisas tengekto . Eng noto anyun kigoiilin Jehovah eng' mwaitab boiboiyet kosiir sirityeng'ung." ¹⁰ "Eng' taunet ko kiilumde inye Kiptaiyandani, ole tonone ng'weny ak kipsengwetisiek ko boisionikab euneguk. ¹¹ Ing'etu inye agoi, ak sirtoi icheket. Ak osegitu tugul ko u ngoriet. ¹² Ak itagurii ko u ngoriet ne tabanu barak, ak kowalak ko u ngoriet. Ago ii u inye noto agoi, ama tinyei kenyisieguk ole igesunegei. ¹³ Tos mi malaikaisiek anjojo che kimnwaji betut age koleji, "Tebe eunyu ne bo tai agoi ayai buniguk koek ng'echeretab kelyeguk"? ¹⁴ Tos choto tugul ko ma malaikaisiek che tamirmirik che boisie, ak che kiyoktoi korib icheket che tun nyoru yetunet?