¹ Ba ondro pertama menggo sio, lau ondro kia pita, wawe-wawe seo tulak ampe pengelowokng Yesus sambilmoit rempah-rempah se ukah reo siapkan. ² Dan reo kawokng watu olai aut teguling ante pengelowokng. ³ akan tetapi, lau reo sinop, reo dohokawokng mayat Tuhan Yesus ⁴ Lau reo kia heartn hal sio, tiba-tiba naan rueh kulutn se memakai pakaian metarakng sekondrokng ba samping reo. ⁵ Wawe-wawe sio takut beta dan tunduk wae reo, tapi kerueh ulutn sio montuh, "Kenone iko metoulutn sewolupm ba antara ulutn-ulutn mate? ⁶ Yesus beloh ba itu, Ise ukah bangkit. Sowot none seukah wa ontuh-Ne ampe iko lau Ise kia ba Galilea. ⁷ Ise ngontuh bahwa Anak Mirisia harus wa serah pe kayakng ulutn-ulutn sebedosa, wa salib, dan watebot gane ba ondro seketolu." ⁸ Moko, wawe-wawe sio kesowot akan pengontuh Yesus. ⁹ Ukah reo buliu ante pengelowokng Yesus, reo ngisah selueuh peristiwa sio ampe kesebelas rasul serta pengikut Yesusse laitnne. ¹⁰ Wawe-wawe sengisah halsio ampe para rasul sesio Maria Magdalena, Yohana, Maria ine Yakobus, dan sesenu wawe laitn. ¹¹ Akan tetapi, pengontuh wawe-wawe sio wa anggap pander boak oleh para rasul dan reo doho percaya ampe wawe-wawe sio. ¹² Akan tetapi, petrus sekondrokng dan monsit pe pengelowokng Yesus. Ise membungkuk dan minda pesuakng, tapi ise kawokng kain linen pembungkus mayat. Ukah sio, petrus buli ali heratn none se ukah terjadi. Yesus mekinda kompune ampe pengikut_Ne ba lalatn nuju Emaus ¹³ Ba ondro sio lou, rueh kulutn nyirikYesus tulak pe erai desa bengaratn Emaus se jarakne kira-kira 6o stadia ante kota yerusalem. ¹⁴ Kerueh kulutn sio bapander tentang segala peristiwa se terjadi ¹⁵ Lau reo pentukng sundro dan betukar pikir Yesus awi dederai nyendriet serta malatn sama-sama reo. ¹⁶ Akan tetapi, mato reo terhalakng hingga reo doho halu mengenali Ise. ¹⁷ Yesus montuh ampe reo. "None se iko berueh pander sambil malatn?" Kerueh kulutn sio pun sindroi dan wae reo otau sangat sedih. ¹⁸ Erai kulutn ante reo se bengaratnKleopas montuh ampe Ise, "Nonekah Iko ekatne ulutn asing ba Yerusalemse dohotau tentang none se terjadiba indo wau-wau situ?" ¹⁹ Yesus ngontuh, "tentang none?" Reo pun montuh ampe Ise, "Tentang Yesus ante Nazaret. Ise adalah erai kulutn nabi se ponu kuasa suakng pengontuh serta gawian-gawian-Ne ba hadapan Allah dan bahadapan seluruh bangsa kaitn. ²⁰ Akan tetapi, imam-imam kepala dan ulutn-ulutn pemimpin kaitn nyerahkan Ise agin wa hukum mate, dan reomenyalibkan Ise. ²¹ Sebujurne kaitn berharap bahwa Ise lah se kakatn membebaskan bangsa Israel. Namun, ondro sio adalah ondroketolu tanjak sedeo sio terjadi. ²² m Akan tetapi, sesenu wawe antara kaitn ukah embah kaitn. Lau reo naan ba pengelowokng pita-pita beta, ²³ reo doho kawokng jenazah Yesus. lalu, reo buli dan ngontuh bahwa reo ukah kotau penampakan malaikat-malaikat, sengontuh bahwa Ise wolupm. ²⁴ kemudian , kaitn tulak pe pengelowokng dan kahalu lou sama se wa ontuh oleh wawe-wawe sio. Akan tetapi, reo dohokatau Yesus." ²⁵ Kemudian Yesus montuh ampe reo, "Oh, betapa angene iko dan lamban sengo agin mempercayai segala sesuatu se ukah wa ontuh koe para nabi. ²⁶ Dohokah kristus harus ngalami susah sio dan sinop pe suakngkemuliaan-Ne." ²⁷ Lalu Yesus mara segala sesuatu se tetulis suakngseluruh kitab suci tentang diri-Ne, Mulai ante Kitab Musa ampe seluruh kiatab para nabi. Lau reo aut riet pe desa Emaus, Yesus terus malatn seakan-akan kakatn tarus malatn-Ne. ²⁹ Akan tetapi, reo menahan Ise ali montuh, "Duloilah baya kaitn sebab ondro riet malop dan mato ondro riet lotokng." Moko, Yesus sinop gin duloi bayareo. ³⁰ Lau Ise begabung baya reo ba meja kuman, Yesus ngutik roti danmemberkatine. Ise nempeha-nempehane, lalu ngumine ampe reo. ³¹ Lau sio, mato reo tebuka dan reo kenal Yesus. Namun, tiba-tiba Yesus wawai ante pengotau reo. ³² Ukah sio, ngontuh lah reo se erai li se laitn, "Dohokah sengo taapm berkobar-kobar lau Ise bapander ali taapm ba suakng pengalatn dan lau Ise ngisah Kitab Suci ampe taapm?" ³³ Ba lau sio lou, reo sekondrokng dambuli pe Yerusalem. Reo nengkawokng kesebelas murid dan ulutn-ulutn se baya reo pentukng bekumpul sama-sama. ³⁴ Murid-murid sio montuh ampe reo berueh, "Tuhan bujur-bujur ukah tetebot dan mekinda kompune ampe Simon!" ³⁵ Kerueh senyirik sio lou ngisah none se ukah terjadi basuakng pengalatn reo. Reo ngisah sara one reo mengenali Yesus lau Ise nempeha roti. Yesus mekinda kompune ampe penyirik-penyirik Ise ³⁶ Lau ke rueh kulutn situ kia ngisah peristiws sio,Yesus sekondrokng ba kewukng-kewukng reo dan montuh ampe reo, "Damai baya iko." ³⁷ Akan tetapi, reo embah dan takut. Reo menyangka bahwa reo pentukng kotau ontu. ³⁸ Kemudian, Yesus montuh ampe reo, "Kenone iko tekajut dan ragu timbul basengo ko? ³⁹ Pindalah kayakng-Ku dan poo-Ku. Situ bujur-bujur Aku. Japailah Aku dan pindalah, ontu doho naan daging dan tulakng sama se iko pinda ampe Aku. " ⁴⁰ Ukah Yesus ngontuh situ, Ise metendre kayakng dan poo-Ne ampe reo. ⁴¹ Sementara reo kia balupm percaya koe sanang dan heratn, Yesus mondrik ampe reo, "Nonekah ba itu iko naan kenaan sesuatu agin wa uman?" ⁴² Lalu reo ngumi erai kukui esa panggakng ampe Ise. ⁴³ Yesus ngutik esa sio dan kumanneba hadapan reo. ⁴⁴ Kemudian, Yesus montuh ampe reo, "Itulah pengontuh se Aku ontuh ampe iko lau aaku kia baya iko. Segala sesuatu se tetulis tentang Aku suakng hukumTaurat Musa, kitab para nabi, dan Mazmur harus wa genapi." ⁴⁵ Kemudian Yesus buka pikiran reo hingga reohalu memahami Kitab Suci. ⁴⁶ Yesus montuh gane ampe reo, "Naan wa tulis bahwa Kristus harus manang dan mongket ante ulutn mate ba ondro se ketolu. ⁴⁷ Dan, pertobatan agin pengampunan dosa kakatn wanyatakan suakng ngaratn-Ne ampe seluruh bangsa, mulai ante yerusalem ⁴⁸ Iko sesio saksi ante sedeo situ. ⁴⁹ Ketaulah, Aku ngirim janji Uma-Ku ampe iko. Akan tetapi, duloilah ba kota Yerusalem ampe iko wa perlengkapi ali kuasa ante wadah seombo." Yesus tetebot pe Surga ⁵⁰ kemudian, Yesus moit ulutn senyirik Ise pe kualkota ampe ba Betania. Ba indo Ise nebot kayakng-Ne dan memberkati reo. ⁵¹ Lau Yesus memberkati reo, Ise bapisah ante reo dan tetebot pesurga. ⁵² Lalu, reo menyembah Ise dan buli pe Yerusalem ali semangat suacita. ⁵³ Reo selalu naan ba suakng Bait Allah.