¹ Kemudian, Seluruh ulutn ba iyo sekondrokng dam moit Yesus pehadapan Pilatus. ² Dan, reo mulai nuduh Yesus ali montuh, "Kaitn kahalu Ulutn situ menyesatkan bangsa kaitn dan ngelarang kaitn agin membayar pajak ampe Kaisar,serta ngontuh bahwa Ise sesio Kristus, Erai kulutn Raja." ³ Pilatus mondrik ampe Yesus, "nonekah Iko Raja ulutn Yahudi?" Yesus jawab, "Sio se iko ontuh." ⁴ Kemudian, Pilatus montuh ampe imam-imam kepala dan ulutn deo, "Aku beloh kawokng penyala ampe ulutn situ." ⁵ Akan tetapi, reo nuntut sambil menain ali monyo,"Ise ngehasut ulutn-ulutn ali ajaran-Ne ba seluruh wilayah Yudea mulai ante Galilea ampe pe itu!" Yesus wa oit ampe Herodes ⁶ Lau Pilatus kerongoi hal sio, ise mondrik nonekah Yesaus ulutn Galilea. ⁷ Dan, ukah ise tau bahwa Yesus ber asal ante wilayah kekuasaan Herodes, Pilatus ngirim Yesus ampe Herodes se lau sio pentukng naan ba kotaYerusalem. ⁸ Lau Herodes minda Yesus, ise sanang beta. Ise aut usakng kakatn kawokng ali Ise koe ise ukah kerongoi deo hal tentang Yesus sebab ise baharap kate kotau mukjizat se wa gawi koe Yesus. ⁹ Lalu, Herodes deo mondrik ampe Yesus, tapi Yesus doho ngumi jawaban nonepun ampe ise. ¹⁰ Imam-imam kepala dan ahli Taurat se sekondrokng ba indo nuduh Yesus ali keras ¹¹ Bahkan, Herodes dan para tentara ne lou ngihina dan nyembilek Yesus. Ukah sio reo mesulop jubah se maeh lalu ngirim Ise ngane ampe Pilatus. ¹² Ponoh, Pilatus dan Herodes saling bemusuhan, tapi ba ondro sio reo bekawatn. Pilatus gagal melepah Yesus ¹³ Kemudian, Pilatus ngumpul imam-imam kepala, para pemimpin Yahudi, dan ulutn deo, ¹⁴ lalu montuh ampe reo, "Iko moit Ulutn situ ampe aku sebagai erai kulutn se menyesatkan ulutn deo. Akan tetapi, lau aku mengadili- Ne ba hadapan iko, aku doho kawokng penyala sama se iko tuduh ampe Ise. ¹⁵ Herodes beloh lou kawokng penyala-Ne hingga ise ngirim Ulutn situ mulek ampe taapm. Pinda, Ise doho gawi penyala se layak kahalu hukuman mate. ¹⁶ Koe iyo, se ukah mehajar Ise, aku melepah Ise." ¹⁷ ( Ba siap ondro raya Paskah,Pilatus harus melepah erai kulutn tahanan agin ulutn deo.) ¹⁸ Akan tetapi ulutn deo sio ngisiak sama-sama, "Singkir ulutn situ! pelepah Barbas agin kaitn!" ¹⁹ (Barabas se sio erai kulutn se wa penjara koe terlibat suakng pembrontak ba kota dan lou ngelaku nempate.) ²⁰ Koe Pilatus kakatn melepah Yesus, moko erai kali mao ise bapander ampe ulutn deo. ²¹ Akan tetapi, reo tatap ngisiak, "Salib ka Ise! Salib ka Ise!" ²² Agin ketolu kaline Pilatus mondrik ampe reo, "Kenone? Sedoho maeh naan se ukah wagawi Ulutn sina? Ise doho besala. Aku beloh kawokng penyala nonepun ampe Ise se layak kahaluhukuman mate. koe sio, aku kakatn mehajar Ise lalu melepah Ise." ²³ Namun, reo terus bersikeras danmenuntut ali nain munyo supaya Yesus wa salib. Dan, nain reopun kuret. ²⁴ Akhirne, Pilatus memutuskan agin memenuhi tuntutan reo. ²⁵ Ise membebaskan ulutn se watindu koe ulutn deo, se wa penjara koe gawi pembrontakan dan pembunu. Akan tetapi, nyarah Yesus ampe kenakatn reo. Yesus wa salib ²⁶ Lau para tentara moit Yesus tulak, reo lou menahan erai kulutn sesio Simon ante Kirene se wau awi ante desa. Para tentara ngandak salib Yesus ba pelukone dan nyunyu mikul salib sio ba belakang Yesus. ²⁷ Deo ulutn senyirik Yesus, dan diantara reo naan wawe-wawe senyonyar dan meratapi Ise. ²⁸ Akan tetapi, Yesus ngilap ampe reo dan montuh, "Hai putri-putri Yerusalem,ai iko sonyar koe Aku. sonyarlah diriko dederai dan anak-anakko ²⁹ Akan tiba waktune lau ulutn-ulutn akan montuh, 'Berbahagialah wawe-wawe se mandul, dan se ahimne doho suah mekuh anak, dan se payudarane doho suah menyusui.' ³⁰ Ba waktu sio, reo akan montuh ampe gunung-gunung,' Runtuhlah ba ombo kaitn dan ampe bukit-bukit, Timbunlah kaitn! ³¹ Sebab,bila reogawi hal-hal situ lau pohon kia wolupm, noneseakan terjadi lau kayusiomeakng?" 32 Naan lou rueh kulutn sedoho maeh se wa oit agin wa hukum mate sama-sama ali Yesus. ³³ Lau reo ampe ba wadah se bengaratn "Tengkorak," parabtentara menyalibkan Yesus baya kerueh penjahat sio, erai kulutn ba kanan Ise dan erai kulutn ganeba sebelah kei-Ne. ³⁴ Kemudian Yesus montuh, "Ya Uma, ampunilah reo, koe reo doho tau none se reo gawi." Lalu para tentara melempar undi agin membagi-bagi pakaian-Ne ba antara reo. ³⁵ Ulutn deo se sekondrokng ba indo menyaksikan semua, tapi para pemimpin Yahudi nyembilek Yesus sambil kisi. Reo montuh, "Isemenyelamatkan ulutn laitn, jari biar Ise menyelamatkan kompu-Ne dederai ena Ise sesioKristus, se wa piliukoe Allah!" ³⁶ Para tentara lou nyembilek Ise, lalu reo awi dan metawar anggur asam ampe Ise, ³⁷ dan montuh,"Ena IKo Raja Ulutn Yahudi, selamatkanlah diri-Ko dederai!" ³⁸ Dan, Naan lou tulisan ba ombo Ise: "INILAH RAJA ULUTN YAHUDI." ³⁹ Erai ante penjahat se wagantukng ba indo ngihina Yesaus, ontuhne, "Dohokah Iko Kristus? selamatkanlah diri-Ko dan kaitn!" ⁴⁰ Akan tetapi, penjahat se laitnne nagur ise dan montuh,"Dohokah iko takut ampe Allah koe iko lou nerimahukuman se sama? ⁴¹ Taapm memang ukah seharusne nerima setimpal ali se ukah taapm gawi, tapi Ulutn situ doho gawi penyala nonepun." ⁴² Lalu, ise montuh ampe Yesus, "Ya Yesus, sowotlah aku lau Iko sinop pe suakng kerajaan-Ko." ⁴³ Kemudian ise montuh ampe ise,"Akungontuh sesungguhne ampe iko, ondro itu lou iko akan baya Aku ba suakng Firdaus." Mate Yesus ⁴⁴ Waktu sio sekitar jam 12 nonga ondro, siropm nolop seluruh daerah sio ampe jam 3 nanyap. ⁴⁵ Koe mato ondro jari siropm dan tirai suakng bait Allah rihat jari rueh bagian ⁴⁶ Lalu Yesus menain ali nain semuyo, "Ya Uma, pe suakng kayakng-Ko Aku serahkan sengo-Ku." Ukahngontuh sio, Yesus ngelepus sengo-Ne se terakhir. ⁴⁷ Laukepala pasukan minda none se ukah terjadi, ise memuliakan Allah dan montuh, "Sungguh Ulutn sio doho besala!" ⁴⁸ Lau ulutn deo se awi sama-sama agin minda peristiwa sio nyaksi none seterjadi, reo buli sambil napuk-napuk dada reo. ⁴⁹ Deo semengenal Yesus dan sesaenu wawe se ukah nyirik Ise njak Galilea sekondrokng oro-oro dannyaksi hal sio. Yesus wa lowokng. ⁵⁰ Naan erai kulutn upo bengaratn Yusuf, anggota dewan penasehat, erai kulutn semaeh dan bujur. ⁵¹ (Ise dederai doho menyetujui keputusan dan tindakan reo). Yusuf berasal ante kota Arimatea, kota ulutn Yahudi. Ise lou erai kulutn se ngandre kerajaan Allah ⁵² Ise tulak ampe Pilatus dan tindu mayat Yesus. ⁵³ Lalu, ise pun mekange mayat Yesus ante kayu salib dan membungkusne ali kain linen. Ukah sio, isemekumbis- Ne suakng erai pengelowokng se wa pahat ba bukit watu. Ba indo, beloh erai kulutn pun se wapekumbis bio. ⁵⁴ Ondro sio, ondro persiapan dan ondro Sabat akan mualai, ⁵⁵ Wawe-wawese awi baya yesus ante Galilea nyirik Yusuf, reo minda pengelowokng sio dan sama one mayat Yesus wa pekumbis ba suakngne. ⁵⁶ Ukah sio, reobuli dan mempersiapkanrempah-remah serta minyak agin mengoles mayat Yesus. Ba ondro Sabat reo istirahat sesuai ali hukum taurat Musa.