¹ Koe pengawi-Ne ali koe kerajaan-Ne ali se bujur-bujur, aku mepesent pe iko ba hadapant Allah ta ala ali Yesus Kristus he kant menghakimi ulunt he wolump ali he mate : ² Pekampe deh firman, siap sedia ka maeh ali doho maeh waktune; padahika, memadahi, ali tunjul ka reo ali ponu kesabarant ali pengajarant. ³ Mokone, kant awi waktune ketika ulun-ulunt doho mao at merima ajarant sehat. Sebalikne, agint memuaskant telingo, reo kant nyimpuntkant guru-guru agint reo ngenderai he haut kenakant keingant reo. ⁴ Reo kant bepalengk pengkrongoi reo tanjak kebenarant ali bebalik pe sempuri-sempuri. ⁵ Leka iko, waspadadeh suangk segala hal, bertahanka suangk kesukarant, gawika gawian penghabar Injil, ali tengkukah pelayananko. ^{8 6} Mokone, aku ukah wa curahkant bagai cawan persembahan, ali saat penulakantku ukah awi. ⁷ Aku ukah ngelawant suangk penglawanant he maeh; aku ukah nenggawis pertandingan ; aku ukah ngepelihara iman. Keletu, mahkota sebujurne ukah wa sediakant bagiko. Pe ondro itu, Allah ta ala, hakim he adil, akant menghadiahkantne pe iko, ali doho ekat pe iko, melainkant lou pe awis ulunt he ngesowot beta pengawi-Ne. Pesent pribadi Paulus agint Timotius ⁹ Begawika agint at awi pe iko, ¹⁰ mokone Demas mengkikeh aku, koe ise mencintai denia sina ali tulak pe Tesalonika. Krekes ukah tulak pe Galatia ali Titus pe Dalmatia. ¹¹ Ekat Lukas he baya aku. Epoka Markus ali oitka ise baya iko koe ise sangat berguna bagiku agint pelayanan. ¹² Aku aut ngutus Tikhikus pe Efesus. ¹³ Ena iko awi, oitka jubah he ku tengkikeh ba Karpus ba Troas ali lou buku-bukuku, sepertama situ. ¹⁴ Aleksander, se tukangk wasi sio, haut deo merugi aku. Allah Ta ala kant nembalas ngewaleh sama ali perbuatanne. ¹⁵ Iko memaeh-maeh lou terhadap ise koe ise sangat menentang ajarant taamp. ¹⁶ Ba pembelaanku he ngenderai, doho naant ulunt lainpun he dukung aku koe gawis ne ngikeh aku. Semoga hal sina doho wawaleh ba ombo reo. ¹⁷ Leka, Allah ta ala sekondrongk ba rikaku ali nengkuatkantku leka habar sio kahalu wa beritakant se ponune nyendalo aku, ali awis ulunt doho Yahudi kahalu ngerongoi ne. Moko ne, aku wa lepahkant tanjak wowa singa. ¹⁸ Allah ta ala kant menyelamatkant aku tanjak setiap perbuatan daat ali kant ngoitkantku pe gawian surgawi-Ne ali selamat. Agin Iselah kemulian ampe seola-ola ne. Amin .salam penggawis ¹⁹ Pekampekant salamku pe Priskila ali Akwila ali pe seisi lowu Onesiforus. ²⁰ Erastus tatap duloi ba Korintus, ali Trofimus aku duloika suangk kenanamp sakit ba Miletus. ²¹ Berusaha awi pe itu sebalum musim rongint. Ebulus, Pudes, Linus, Klaudia, ali awis penerai untungk seiman ngirimp salam agintku. ²² Allah ta ala nyirik rohko Anugerah baya iko