¹ Sifat-Sifat Manusia ba Zamant Penggawis Serane deh bahwa ba ondro-ondro penggawis, masa kesukarant he kant awi. ² Mokone, ulunt kakant jari pencipta diri saurangk, pencipta duit, pembuak, ungah, penghujat, doho taat pe ulunt tuo, doho tau carane berterimakasih, doho suci, ³ doho tau tuasi, doho ketuju ba damai, ketuju nyurah, doho tau mengendalikant diri, harat, doho pati ketuju none he maeh, ⁴ pengkhianat, membarangk, angkuh, deo mencintai hawa nafsu dari pada mencintai Allah ta ala. ^{6 5} pengotau saleh leka menyangkali kuasane. Pekoro deh ulunt-ulunt hama sio. Mokone, ba halapant reo naant ulunt-ulunt he menyusup pe suangk jemaat ali menawan wawe-wawe se beloh daya he wa bebani ali deo dosa ali nentengk reo ali berbagai hawa nafsu. ⁷ Wawe-wawe hama sio selalu belajar, leka doho suah tau ampe pe pengenalant se bujurne. ⁸ hama li Yanes ali Yambres he ngelawant Musa, mokone lou ulunt-ulunt sina he ngelawant hebujur. Pikirant reo ukah hancur ali iman reo doho tahan uji. ⁹ Mokone, reo doho tau upal oro mao koe kegaluan reo kant nyata bagi awis ulunt, hama ka kerueh ulun sio. Memadahi Paulus Pe Timotius ^{12 13 10} Mokone, iko ukah nyirik pengajarantku, cara wolumpku, tujuan wolumpku, imanku, kesabarantku, kekasihku, ali kekuatantku, ¹¹ sara penyiksaan ali penderitaan he kukima ba Antiokhia, Ikonium, ali Listra. Aku batahant suangk siksaant, ali Allah ta ala menyelamatkantku tanjak awis situ. Sebujurne, awis ulunt he kakant wolump saleh suangk Yesus Kristus kant wa aniaya, sedangkant ulunt-ulunt daat ali bubuhant penipu kant jari lewi buruk gane , reo mentawangk ali wa mentawangkant. ¹⁴ Leka ena agint iko, lanjutkant ka ali none he ukah iko pelajari ali ukah iko yakini koe iko tau yanjak ise iko mempelajarine. ¹⁵ sama one tanjak halus iko ukah ngetau Kitab Suci se wasanggupi mekumi iko pe keselamatan nyendalo iman suangk Yesus Kristus. ¹⁶ Awis Kitab Suci wa sengoi koe Allah ta ala ali se beguna agint ngajar, agint menyatakan pesala , agint mendidik suangk he bujur. ¹⁷ Mokone sio, mersia puunt Allah ta ala kant cakap ali nemaehi agint setiap kelakuant maeh