¹ Lihudi lyande me! Ame nakara ngoli yira lipongayiko lyo nyango pa kwenye, ntani yira mandjembere owo vasekurura; kupira lintuku lyo sindjembere sokulya, kwato ukuyu wokukuhova owo monyo wande wahora. ² Va pulimo vadongonokamo musirongo; kwato muntu wamuhungami mu navantje. Navantje kukonga mulitaterero lyokuteta honde; kehe uno nga huga unyendi nolikwe. ³ Mavoko avo mawa unene pakuruwana udona: Vampititi ngava pura vimaliva, vapanguli ngava konga asi kapisi vikare muuhunga, ntani mukafumu wo nkondo nga tantera vauunyendi kuhamena kusihoro so mwenyo wendi. Mpo ngoli ngava vitura kumwe. ⁴ Uwa wavo yira siswa somiya, vahungami mo kupitakana rugumbo rwo miya. ⁵ Mwasa huguvara vamusinda venu; mwasa tura mukumo muvaunyenu. Nampili mukamali wo kurara mumawoko woye kukengera kukanwa koye. ⁶ Mpo monarume ngadina vase, monakadi ngakutareka navanyina, ntani monakadi kwara naye ngakutareka navangumweyi vendi. Vana nkore vo murume mbo vo varangeka vendi. ⁷ Ene ngoli kwandeko me, ame ngani kenga kwaYahweh. Ame ngani taterera liyovoko lya Karunga; Karunga wande ndjuve. ⁸ Wasa hafera me nwe, vanyengi vande. Opo ngani wa, simpe ngani rambuka. Opo ngani sungira mumundema, Yahweh nga kara ukenu wande. ⁹ Mukondasi ame nadjona kwaYahweh, ame ngani kara nonkondo do ugara wendi dogoro nga kananitepo undjoni wande ntani nokuupapo mpanguro yande. Uye nga ndjita kuukenu, ntani ame ngani mona uhungami wendi. ¹⁰ Makura vana nkore vande ngava vimona, ntani ntjoni ngani wane vo vaambo kwande si," Kuni Yahweh Karunga woye?" Matjo aande ngaa munwika; uye ngava mufinyata kuntji yira siuru musitaura. ¹¹ LIyuva lyo kutunga marugumbo ngali ya; muliyuva lyo dimurudi ngavadinenepita kwaure-ure. ¹² Muliyuva lyo vantu voye ngavaya koye, kutundulira kuAssyria ntani nkurumbara da Egypte, kutundilira kuEgypte dogoro nange kumukuro, kutundulira lifuta dogoro kulifa, ntani kutundilira kumandundu dogoro kumandundu. ¹³ Ene ngoli livu ngava lisuvilira mukonda yo vantu vatungomo, mukonda yo nyango doviruwana vyavo. ¹⁴ Pititira vantu voye no mpango, siunda soupingwa woye. Vasungira pentjavo mumpato, mukatji ko livango lyomalyero. Vasuvenu va litire muBashan and Gilead yira mayuva akare. ¹⁵ Yira mayuva owo mwatundire musirongo sa Egypte, Ame ngani va needa vitetu. ¹⁶ Dimuhoko ngadi mona ntani ngava lifa ntjoni morwa una nkondo wavo. Vavo ngava tura mavoko avo kutunwa; vavo ngava tita matwi. ¹⁷ Vavo ngava kuvira mbundu yira liyoka, yira vina mwenyo vya kokavango palivu. Vavo ngava ya kulipopero noutjirwe; vavo ngava ya noutjirwe kukoye, Yahweh Karunga wetu, ntani vavo ngava kara no woma mukonda yoye. ¹⁸ Are nani Karunga yira ve- owo aupangopo ndjo do vantu voye ava vahupopo? Uye kapi akara nougara dogoro naruntje mukondasi uye kuhafera sihoro sokukarererapo. ¹⁹ Ove ngo tufera nkenda; ove ngo lyatangera ndjo detu kuntji do mpadi doye. ove ngo vukuma ndjo detu kusinko solifuta. ²⁰ Ove needa usili kwa Jacob ntani likwatakano lyolipuro kwaAbraham, yira momo tupu waanine kuvakurona vetu pakare kare.