¹ Makani azhyindi, nobakwesu, taceeleli kuti cimwi cintu cilembelwe ndinywe. ² Nkaambo nywebo lwenu mulihyi kaboyu-kaboyu kwamba kuti buzuba bwamwami bulaboola mbubona mbuli mubbi muciindi ca mahikati. ³ Nobaamba kuti, "Luumuno a kulikwabilila," ono kuhvwambaana kunyonyoona kulaboola ali mbabo. Ciyakuba mbobona mbuli kucisa kwamukaintu utumbuka uminhyi. Mulikaako tabakaloboki pe. ⁴ Pele nywebo, nobakwesu, tamuli mumudima kuti buzuba bukamuhikile mbuli mubbi. ⁵ Nywebo noonse muli bana ba mumuni a bana bahikati. Tatuli bana bamahiku na bana bamudima. ⁶ Aboobo, tutooni mbuli bamwi mbobacita, pele, atulangile alimwi tube baumwine. ⁷ Kuli baabo boona balacita obo mahiku, alimwi abo bakolwa balacita obo mahiku. ⁸ Pele swebo mbotuli bamahikati, tweelele kukkala mubululami akusama luhyomo alimwi a luyando mbuli cikwabilizhyo cakucamba, alimwi a hyeete yabulangizhyi bwaluhyomo lwesu. ⁹ Nkaambo Leza tatukanzhyili bukali pe, pele kuya kutambula luhutuko kwiinda muli Jeso Klisto mwami wesu. ¹⁰ Wakatuhwila kutewa kuti, nokuba kuti tulalanga na tuloona, kutewa tupone antoomwe anguwe. ¹¹ Boobo amuumbulizhyanye umwi amwenhyinyina alimwi, akuyakana umwi aumwi, mbobona mbuli mbomucita kale. ¹² Cakuhinizhya twalomba kuli ndimwe, nobakwesu, kuzhyiba baabo babeleka akati kenu alimwi abaabo bamusololela mu mwami alimwi a kumalailila, ¹³ mukabalemekehye kapati muhyando nkaambo kamilimo yabo. Amube a luumuno akati kenu. ¹⁴ Tulamusumpula, nobakwesu: amubanjezhye abo batolo, amubayumye-yumye abo batyompokelwa, amubagwahye bataluleme, alimwi amube a caamba kuli mbabo boonse. ¹⁵ Amulangihye kuti kutabi upiluhya cibi ku cibi kuli umwi aumwi. Pele, amutobele ceeco cibotu kuli umwi aumwi alimwi akuli boonse. ¹⁶ Mukkomane lyoonse. ¹⁷ Amupaile cakutaleka. ¹⁸ Amupe kulumba kuli coonse. Nkaammbo nduyanda lwa Leza lwa muli Klisto Jeso akaambo kenu. ¹⁹ Mutazhyimi moza. ²⁰ Mutanyanhyi bahinhyimi. ²¹ Amusunke zhyintu zhyoonse, amukwatihihye kuli ceeco cibotu. ²² Amuli tantamune kububyaabi boonse. ²³ Ono Leza waluumuno amusalazhye cakumaninina. Moyo wenu woonse, moza, alimwi a mubili ikale kakunyina kampenda akaambo kakuboola kwa Mwami wesu Jeso Klisto. ²⁴ Uhyomeka ngoyooyo umwiita, nguwena ooyo uyakukucita. ²⁵ Nobakwesu, amutapailile aswebo. ²⁶ Amubaanhye babunyina boonse akumyontana kusweesya. ²⁷ Ndamulailila mu Mwami kuti ing'wadi eeyi ikabalwe kuli babunyina boonse. ²⁸ Luzhyalo lwa Mwami wesu Jeso Klisto lube andimwe lyoonse.