¹ Waktu iyak ugak padak muhid datang ahung Yesus alu bandai," Sepa meh yang palin besah alam kehajaan surga?" ² Yesus ningkau anak biak senik, nuduk ia di tengah sidak, ³ alu bandai," Sesungguh iya Aku bandai ahung nuan entik nuan nda betubat seta baka biak senik, nuan nda akan tamak alam kehajaan surga. ⁴ Jadi sepa magang ngehendah dihik baka anqk biak senik ituk, ia meh yang tebesai alam kehajaan surga. ⁵ Bahang sepa nehimak suhang anak biak ituk alam nama Aku, ia nehimak Aku. ⁶ Tapi sepa magang yang nyuhuh suhang dahi padak biak yang pecayak ahung Aku ituk bedosa, lebih bait untuk ia diikat pakai batu kilang yang besah ke hekak ia, alu digelam kalam laut yang palin dalam. ⁷ Celaka meh dunia yang nyuhuh sesat- mimang padak penyesat ahus bisik, tapi celaka meh uhang yang natang penyesat iyak! ⁸ Entik tangan nuan atau kaki nuan yang nyuhuh nuan jatuk kalam dosa, tetak alu buang meh dahi nuan. Lebih bait bagi nuan tamak kalam idup dengan nisik tangan atau lumpuh dahi pada dibuang kalam api yang netau pusak makai kedua tangan atau ke dua kaki. ⁹ Entik mata nuan yang nyuhuh nuan bebuat dosa, cabut alu buang meh iyak jauh dahi nuan. Lebih bait untuk nuan tamak kalam idup makai sigik mata, dahi pada bisik dua igik mata tapi di buang kalam api yang netau pusak. ¹⁰ Pantau kituk, anang meh ngehendah suhangpun dahi padak anak biak ituk. ¹¹ Kehena Aku bandai ahung nuan bahwa alam surga padak malaikat sidak mantau nacah mua Bapak Aku yang alam surga. ¹² Apa pendapat nuan? Entik uhang bisik sehatus ikok dumba, alu sikok bebak, nda meh ia nudi yang sembilan puluh sembilan di hihin bukit alu ngegak yang bebak iyak? ¹³ Alu seta udah di temu ia, Aku bandai ahung nuan, sesungguh iya ia abis pehambik pakai dumba yang lesi iyak dahi pada sembilan puluh sembilan ikok yang nda bebabk. ¹⁴ Baka iyak ugak, Ituk ukan kemauk Bapak nuan yang di surga bahwa suhang dahi padak anak biak ituk akan bianasa. ¹⁵ Entik menyadik nuan bedosa ahung nuan, padah ahung ia penyalah iya entaha entaha muan dengan ia kedihik, entik ia ninha nuan, nuan akan menang dahi ia. ¹⁶ Tapi entik ia nemauk ninga nuan,, nuan ahus ngemaik suhang atau dua uhang menyadik nuan, isak ia tau jadi saksi apa yang di omong nuan. ¹⁷ Entik ia nemauk ninga sidak, pekat meh ituk dengan jemaat.Entik lagik ugak nemauk ninga jemaat, pantau magang ia iyak baka ukan uhang Yahudi atau uhang penagih pajak. ¹⁸ Sesungguh iya Aku bandai ahung nuan, apa magang yang nuan ikat di bumi di ikat ugak di surga. Apa magang hal yang nuan buang di bumi akan di buang ugak di surga. ¹⁹ Lebih dahi iyak, Aku madah nuan, entik dua uhang dahi entaha kian bepekat di bumi ituk mintak utan, iyak tejadi ugak ahung sidak kehena Bapak Aku di surga. ²⁰ Kehena di mena bisik dua atau tiga uhang bekumpul alam nama Aku, diak meh Aku ada di tengah-tengah sidak." ²¹ Alu datang meh Petrus bandai ahung Yesus," Tuhan, apa pemanyak aku ahus ngampun menyadik aku yang besalah ahung aku? Apa sampai tujuh kali meh? ²² Yesus nyaut ia," Aku nisik madah tujuh kali, tapi sampai tujuh puluh kali tujuh kali. ²³ Kehena kehajaan surga iyak umpama suhang haja yang jekak be itung-itung dengan padak hamba ia. ²⁴ Empak ia jekak be itung-itung, suhang hamba ngemaik kadap haja,mensia yang butang sepuluh hibu talenta. ²⁵ Kehena ia nda mampu mayah utang iya, tuan ia nyuhuh ia nyual semua heta ia, besama padak anak bini ia pakai mayah utang ia ²⁶ Hamba iyak alu besujud dadap ia alu bandai," Tuan, sabah meh dengan aku, semua iyak akan aku bayah. ²⁷ Tuan ia, kehena abis pengauk dengan mensia iyak, ia ngelepas seta ngapus semua utang ia. ²⁸ Tapi abis iyak hamba iyak keluah alu betemu dengan kaban ia yang butang sehatus dinah ahung ia. Ia alu nyangkam,nyekak ia alu bandai," Bayah utang nuan,' ²⁹ Tapi kaban ia iyak tesungkuh dadap ia sambil bandai, besabah meh ahung aku, aku pasti mayah utang aku iyak. ³⁰ Tapi hamba iyak tedik nda mauk. Ujung-ujung kaban ia iyak tedik di masuk ia kalam penjaha, sampai ia mampu mayah utang ia. ³¹ Empak padak hamba yang lain mantau kejadian iyak, sidak abis penyedih. Sidak pun datang ahung tuan ia alu ngisah semua kejadian iyak. ³² Tuan dahi hamba iyak ningkau ia, alu bandai, nuan hamba yang jat, aku ngampun seta ngapus semua utang nuan kehena nuan udah bepul mintak kegauk aku. ³³ Ukan meh nuan ahus gauk ugak ahung kaban nuan, baka aku udah gauk dengan nuan? ³⁴ Tuan ia abis pemihang alu nyuhuh ia di siksa sampai ia talah mayah semua utang ia. ³⁵ Baka iyak ugak meh Bapak Aku di surga akan ngawai nuan entik semua kian nda ngampun bala menyadik nuan dahi ati nuan."