¹ Tabe teke Yakubus, palayan Allah dan Tuhan Yesus Mristus, hmpah ka duawalas suku sa taidu gi kahai dunia. Ujian Iman mahasil katabahen ² Pulaksanai-pulaksanaiKu, anggap leh sebagai suatu kaaraien amun iko lawu huang berbagai pencobaan *. ³ Sabab iko kotoe bahwa ujian tahadapimanko mahasil katabahen ⁴ Ikehleh katabahen ngunru hasil sa ponu nampan iko jari sempurna dan utuh, bakoi kakurangan inun-inun. ⁵ Kode, amun gi helang iko naan kakurangan hikmat,harusleh io ilakune hmpah Allah, sa anri murah ate ngunru hmpah kahai ulun bakoi ngakupe, dan uro sagar na unru hmpahiyo. ⁶ Kode, io harus ilakune anri iman dan bakoi bemang ket ulun sa bemang adalah kakala galumang laut, na siwui riwut paaru paanan ⁷ Ulun kakala iro adaleh ngakira sagar narime sesuatu teke Tuhan ⁸ Ulun sa nyanruo ate bakoi sagar tanang huang kahai lalan wolum. katatawen sabujurne ⁹ Ikehleh pulaksanai sa wolum sederhana bangga tawuk io na tangkobo, ¹⁰ dan ulun tatau tawuk io naimpeh gi keadaan idok ket kakala wunge rikut, io sagar jawoh. ¹¹ Sabab, matoonro kaluar anri malayongne sa magin royoh, dan ngmpilayu rikut, wungene lawu, dan kabungasaenne jawoh. Mihie pada, ulun tatau sagar jawoh gi suan-suan usahane. pencobaan bakoi hawi teke Allah ¹² Naberkatileh ulun sa tabah huang pencobaan ket ukahio tabukti tahan uji, io sagar narime mahkota pamolum sa najanyi hmpah sa ngalelu Iyo. ¹³ Amun erang kaulun nacobai adaleh io sawada,"Uki rahat na subai Allah."Sabab,Allah bakoi iuh nacubai hiepun. ¹⁴ Kode, satiap ulun nacobai hantek io na jujut dan na pikat ulah kasidienne raerai. ¹⁵ Hantek kasidien baua, io sagar ngayaan dosa dan hantek dosa jari monsak, io sagar ngayaan maut. ¹⁶ Pulaksanai-pulaksanai sa kukalelu, ada tawang. ¹⁷ Satiap pangunruan sa maasus dan satiap pangunruan sa sempurna hawi teke obo, naampi dolui teke Uma segala mai, pah-Iyo bakoi oeng parubahan atawa panurupan ama. ¹⁸ Obo kabahomen-Ne raerai, Io nuing nyanyari takam anri firman* kenaran nampan takam jari ua tungkan teke kahai ciptaan-Ne. Nyonrongoi da Ntulah Firman Tuhan ¹⁹ Pulaksanai-pulaksanai sa kukalelu, perhatileh itu: haruleh tiap-tiap ulun wansit pakai nyonrongoi kode unte bapaner, dan unte pakai sangit. ²⁰ Sabab panyngit murunsia bakoi ngawi kebenaran Allah. ²¹ Ket iro, umpeleh segala sabakoi suci dan wahaine kejahatan, dan tarimeleh kelemahlembutan firman Allah sa hautna bulo gi huang iko, sa sanggup nyalamat jiwako. ²² Jarileh pelaku firman dan bakoi ekat panyonrongoi ai: amun bakoi iko nipu tonga raerai. ²³ Sabab amun ulun nyonrongoi firman, kode bakoi ngulahne, io kakala ulun sarahat mengamati waene gi saramin. ²⁴ Ukah mengamati tongane dan tulak, io batareje tayu kakala inun waene inre. ²⁵ Kode, ulun sa naliti hukum sa sempurna, yoiro hukum sa memerdekakan danbertekun gi hungne, io bakoi jari panyonrongoi sa tayu, kode jari pelaku firman. Io sagar naunru bawo inun sa na ulahne. Ibadah sa Uah hmpah Allah ²⁶ Amun erang kaulun ngakira io adalah ulun sa taat baibadah, kode io bakoi iuh nyupir lolane. io nipu atene raerai.kataatenne iro sia-sia. ²⁷ Ibadah sa murni dan bakoi tacela gi hadapan Allah dan Uma takam adalah ngunjungi pea-pea anule pahatu dan walu-walu huang kararaen reo dan manjaga tongane raerai nampan bakoi nacemari ulah dunia.