¹ Pulaksanai-pulaksanaiku,ada nutui imanko huang Tuhan takam sa mulia, Yesus Kristus bakoi mambeda-bedakan ulun. ² Amun naan ulun sa hawi teke Sinagogeko makai utas amas dan pakaian sa rarang, gi hantek sa sameh, hawi pada ulun paua sa pakaian bere. ³ dan iko ngunru perhatian khusus hmpah ulun sa ba pakaian rarang iro dan sawada, "Silakan maharung gi duoi sa maasus itu,'' kode hmpah ulun paua iro iko sawada, "Sokonrongleh gi raha!" atawa!" Maharungleh gi rupak pooku!" ⁴ Bakoikah iko haut membeda-bedakan gi helang iko dan jari hakim anri pikiran-pikiran sa jahat? ⁵ Pulaksanai-pulaksanai sa kukalelu, rongoileh Bakoikah Allah haut meli ulun sa paua gi mato dunia pakai jari tatau huang iman dan mawarisi karajaan Allah sa haut Io janyi hmpah reo sa ngalelu Iyo? ⁶ Kode, iko haut menghina ulun paua. Bakoikah ulun tatau na nindas dan nyujutiko pah pengadilan? ⁷ Bakoikah reoleh sa menghiujat Nama baiksa ulahne iko na wowa? ⁸ Amuniko manjalankan hukum utama sasuai anri Kitab Suci*, yoiro "Kaleluleh sasameh ikomurunsia kakala tongko raerai,'' iko haut ngulah sa uah. ⁹ Kode,amun iko membeda-edakan ulun iko ngulah dosa dan nanyatakan sebagai pelanggar ulah hukum ¹⁰ Hie pun sa manaati kahai hukum, kode gagal menaati erai bagianne ai io bahala tahadap kahai hukum iro. ¹¹ Sabab, Iyo sa sawada,'' Ada bazina*," pada sawada, "Ada munu." Jari, amun ikobakoi nulah perzinaan, kode iko munu, iko haut jari pelangar hukum iro. ¹² Bapaner dan bertindakleh ulun-ulun sa sagar nahakimi anri hukum sa ngampibebas. ¹³ Sabab, penghakiman sagar mangkakalelu hmpah ulun sa bakoi nutui kaleluen; kaleluen sagar manang bawo penghakiman. Iman kooeng pigawian adalah mate ¹⁴ Pulaksanai-pulaksanaiku, inun riran erang kaulun nyawada bahwa io ngompun iman, kode bakoi ngompun pigawian? Kaiuhkah iman iro nyalamatne? ¹⁵ Amun erang kaulun pulaksanai atawa pulaksanai bakoi ngompun pama dan ngampuriran pongokan tiap onro, ¹⁶ dan erang kaulun gihelang iko sawada hmpahiyo, "Tulakleh huang damai,gere tubuhko nasanayong,"kode iko bakoi ngunru hmpahiyo inun sa naperlu tubuhne, inun riranne iro? ¹⁷ Mihie pada iman, amun iman bakoi natamaya pigawian-pigawian,gi dasarne iman iro mate ¹⁸ Kode, mungkin naan ulun sa sawada, "Iko ompun iman, dan uki ompun pigawian," Uki sagar nuing, ''Tutui imanko anri pigawian." ¹⁹ Iko harao bahwa Allah tala iro erai. Iro uah. Roh-roh jahat pun harap dan reo neter. ²⁰ Hai ulun budu hokunkah ikomanyadari bahwa imankooeng pigawian adalah sia-sia? ²¹ Bakoikah Abraham*, uma takam, naampiuah ulah pigawian-pigawian hantek io mengurban kan Ishak*, peane gi bawo altar ²² Iteleh bahwa iman bagawi sameh anri pigawian-pigawianne, dan ulah pigawian-pigawian iman na tangkasus ²³ Naganapi inun sa na wada Kitab Suci*, "Abeaham harap hmpah Allah tala dan iro nareken hmpahiyo sebagai kebenaran,"dan io naontuh Sahabat Allah tala," ²⁴ Jari, iko ite bahwa teke pigawianleh ulun na ampiuah, bakoi teke iman ai. ²⁵ Mihie pada, bakoikah Rahab, hi sambialau iro, na ampiuah ket pigawian hantek io narime mato-mato Israel dan ngarawah reo malempat metah lalan sa lain? ²⁶ Jari, sameh kakala tubuh kooeng roh adalah mate, mihie pada iman kooeng pigawian adalah mate.