Nasihat gasan sahati wan sapikiran ¹ Karana itu, dangsanak-dangsanakku nang kukasihi wan kurindukan nang manjadi sukacita wan kabanggaanku, badirilah hagan taguh dalam Tuhan. ² Aku sangat mamohun kapada Euodia nang jua kapada Sintikhe gasan hidup rukun dalam Tuhan. ³ Ya, aku maminta kapadamu, kawan-kawan sajatiku, tulunglah binian-binian ngini ulih buhannya talah bakarja karas lawan aku dami palayanan Injil, jua basama Klemens wan rakan-rakan sakarjaku nang lain, nang ngaran-ngarannya tatulis dalam buku kahidupan. ⁴ basukacitalah salalu dalam Tuhan. Sakali lagi kusambatakan, basukacitalah! ⁵ Maraam kalambutan hati kawu dikatahui samua urang. Tuhan talah parak. ⁶ Kada bulih kawatir tantang apa haja. Amun dalam sagalaan kainginanmu kapada Allah dalam doa wan parmuhunan lawan baucap syukur. ⁷ Tanang sajahtara Allah wan malampaui sagala pangartian pacangan mamalihara hati nang pikirmu dalam Yesus Kristus. ⁸ Imbahnya, dangsanak-dangsanak, sagalaan nang banaran, sagalaan nang mulia, sagalaan nang adil, sagalaan nang suci, sagalaan nang indah, sagalaan nang tarpuji, pikirakan samuan ngitu. ⁹ Nyapa nang talah kawu palajari, tarima, dangar, wan manjanak matan aku, gawi sabaratan ngitu, Maka Allah sumbar damai sajahtara pasti manyartai kawu. ¹⁰ Aku sangat basukacita in Tuhan karana wahini, imbahnya kawu kambali mambariakan parhatian kapadaku. Dasarnya, sabalumnya kawu mambari parhatian kapadaku, tatapi kawu kada baisi kasampatan. ¹¹ Aku mamdahakan hal ngini kada karana aku sadang kakurangan, sabab aku talah balajar mancukupakan awak hagan kaadaan nyapa pun. ¹² Aku tahu nyapa istilahnya kakurangan, wan aku jua tahu nyapa istilahnya kalimpahan. Dalam sagala wan satiap kaadaan, aku talah balajar rahasia hidup barkacukupan, kaya apa nang kanyang atawa lapar, kaya apa hidup banyak duit atawa kadada baisi duit. ¹³ Aku ulih malakuakan sagala sasuatu malalui inya nang mambari kakuatan wadah ku. ¹⁴ Amun, kawu talah baulah maih handak babagi baban lawan aku. ¹⁵ Kawu saurang tahu, jamaat Filipi, bahwa matan pamulaan partama palayanan Injil, sasudah aku maninggalakan wilayah Makedonia, kada ada jamaat nang hakun babagi baban lawan aku dalam hal mambari wan manarima, kaluku kawu. ¹⁶ Bahkan, katika di kota Tesalonika, kawu mangirim partulungan hagan kabutuhanku labih pada sakali. ¹⁷ Amun, kada partulungan ngitu nang aku carii, malayinkan aku mancari buah nang handak mambasarkan kauntunganmu. ¹⁸ Aku talah manarima pambayaran hibak, bahkan balabihan. Aku baisi samua nang aku handaki ulih pambarian nang kawu pasani wan aku malalui Epafroditus. Pambarianmu ngitu manjadi parsambahan nang harum, kurban nang barkanan, wan manyanangakan Allah. ¹⁹ Allahku handak mahibaki sagala kabutuhanmu manurut kasugihan-Nya nang mulia dalam Yesus Kristus. ²⁰ Kamuliaan hagan Allah wan Bapa kita sagan salawas-lawasnya. Amin. ²¹ Padahakan salam kami sagan satiap urang kudus* dalam Yesus Kristus. Salam haganmu matan dangsanak-dangsanak saiman nang ada lawanku di sia. ²² Sagalaan urang kudus mangirim salam haganmu, khususnya buhannya nang bakarja malayani di istana Kaisar. ²³ Anugarah matan Tuhan Yesus Kristus manyartai rohmu. Amin.