¹ Mymanduaka Hesukrito reiare ikoverã ikoshiverã mburuvisha. Mburuvisha ipope erã ñehenduporeta kyrey^ katupo japoreta haikavia. ² Avypo ijetaporãreta hapishare, avypo ñyrãrõreta pyakavipo ijype ñymbyveteapo. ³ Ñandei mbai eintei jaikuateve arykai ñee ñahenduarã jajapoa haikaviva porãmba vekua jajapo hameara ime'ē ñanymorãmba. ⁴ Ñanderu Tumpa ñandymondo jepehai pya kavira ñandyraihurã. ⁵ Ha'ēa kuaretare hekokavirã mondoajepeva, ñandyraihurã. ⁶ Vo ka ñohe ñaneare hembyvaraimi Hesukrito rupi. ⁷ Ñandohe haereka ñaniñokavi verã ñanderu Tumpa handi. Ñandyraihurã japity, ko tykove opambava ñaharõ naiva. ⁸ Ñanderu iñe kova haikavi jarajarã harã aipota rimyky reykatuhe rypyry mboi he. ⁹ Nde Tito ñymymbyryshi, injetarei aire poshyrei iare ñandeypyre ñymbatyreta, injerei avyjyhiaite injetarei ivekuare Moises japovekuare kava ñe'ē kova porãshureta mbaivape haikavi. ¹⁰ Ñimiñe pohymishu ndyryvy raãnga pota mbijao Hesukrito tupao pēnteī o mokoi hendusearã shurã moheapo Tupaovi. ¹¹ Rikua kavipa hekoporãrã porãmbavai japoi ñanduã porãmba japoirõ oimajahe herevã hekoporãrã. ¹² Che ayokue Artemas haiheirã Tiquicope ñyrentape eñeãpaite vahe aivape Nicopolispe akuape apytapokui roy^era. ¹³ Mboryvekui Zenaspe jyhuvisharã o harã Apolospe opaitea mbaety shuare aho jyertarã mbeupojy ñanderu iñe'ē ynga tentape. ¹⁴ Ñandyry hevare tipykuave haikavivai japojyrerã mboryverã hapisha mba'e tyshuaremeshu potante pyta mbaimbajapovekua raimiitera iavaraimipojyve. ¹⁵ Opaiteva oichendieva nymarandy myrãndu opaiteva ñanyretarãre yryraihuvareta jyrojava Hesukrito Ñanderure jyparekokue toi opa ara pynymbytepe.