1 Nde Tito rymbeupo kova mbai symy'vã. Hare heko pevarã. 2 Rymboipo kuakuavaretape hare ijiyako kua'aporeta heshakapo hykovepe jyrojakue puã oho'i hare jyroyapo mbai kyambape, hare ñako vapykavipo jyrojapo hekokaviape hare pyryhaihupojy hare pyareheipo'i (paciencia). 3 Rymboipojy kuakuavare taypere hekokaviverã Ñanderu Tumpare jytojana rãimipo. Avypo ijtaparei avypo kau'ivarãimi pyrymboi kavi mbai kaviverã. 4 Taype kuñataī teriva haihupo ime, hareka membyre. Hare ñaka vapykavipo heko kavipojy ñyngarekokavipohe. 5 Hare hētãpe'õre ime ipopopepo iñiñono mahē Tumpa iñereijetaha vai kui. 6 Rymboipojy kunumiretape ijijokokuavera opava vaivi. 7 Hare ndeteivapo ryheshaka rijapova hare rijapo kaviva. Rymboipo mbo'eva mbai symyiva hare heko kyambava. 8 Ryporypa ñee kavi hare kyambava mahē ñymbyvaisho ē ndyreheva hesha ndyrekui mbai porambara ñandyrete marã kuapo jyve. 9 Rymboipo jy tykove ikoreivape (esclavo) ikoverã ija opambaipepo mbyvya mahē oñemoī vaihekai. 10 Auypo manãrõ'i ñyngareko kavipo marãra jyroja. Mahē porã ijetahekui Ñanderu iñee kavi hare ñambyhorypo. Ñanderu Tūmpa ñee kavi japova. 11 Ñanderu jyhaihukue jykuaakama, opavape mondoje peverã porambaivi. 12 Ñandeyraiha ñanymboihe japoshiverã ko ñanymboihe japoishiverã ko ñandyrete potava ko yvy'iãē'ovã hai potava jahejomiteverã. Jaikoverã ñanakavapykavi hare jaijokopo hynondekai, hare ñaimimishi ko ara tivishava hasa'õ. 13 Hare ñahãrõ ñai Ñanderu Hesukrito aujy himbipekuepe ñanymondojepeverã. 14 Hai teiva meē hykove ñanymondojepeverã porambaivi. Hare ñandijohe jaikoverã hētã kyuambavape harekañande ÑANYKYREY jajapo jaraha ko mbai haikaviva. 15 Kovapo RYMBEU, hare RYMBOIPO tevã avypo ryheja ñymbyhory ndyrehekui.