1 She Pablo, Ñanderu Tumpa jokueva, Hesukrito jy Apostol, hai shypyhyrõ airojahe verã haereka apity verã mbai kuaakue ãneteva, heshahakava teko kyamba rupii. 2 Ñahãrõ rãnga ñai tykove heko opamba verãpe, Ñanderu Tumpa japuã, mbeu vekua ndei ara japyape vahērã. 3 Jy'arape kavipo hai hesha ñēē ãñeteva haereka hei vekua ambeu verã ñēē kaviva hēnta'ore ohojepe verãkui Hesukrito rupii. 4 Kova kuatia ambyparande Tito, shyray Hesukritore jairohaherã rupii. Ñandeja Ñanderuite haereka Hesukrito ñanymondojepeva jyparekojue haereka pya kavikue toī nendie. 5 She aryreja Cretape, opa rymyhēnda kavi haereka ry^pyh^rõ verã opaite kuakuave tupaope mba'apova haire ēvãpe, she haindeva rãīmi. 6 Hoka kuakuava heko ky'ãpo, hyreko pēnteīpore, tay haereka tajyre jyrojapojyve, mãhē ikoreii jyre haereka ñēē hēndupo reta. 7 Voka kuakuava ikopo ãñete tupaore mba'apo'ia haereka hekope kavipo'i, avypo ha'ei potava raīmi japo'i, avy typoshy, avy tyka'u, avypo purūnūpa haereka avy kyrypoti pota, 8 Haihupo ñumbuhupare, mbai haikavivapo haihu haereka ñymbypy'aīpo, heko jyvacheipo, ñēē hēndupo haereka kuapo ijijoko jyve. 9 Hai hekope kavipo iko Ñanderu Tumpa iñēē ñanymbarakuava rãimi, hãrã hai pyrymbarakuaa kavipo haereka mbeushu vērã ñēē hēndumbavare. 10 Heta rãnga'ē oñemoiheva tupaore mba'apova, mbyhasa pya mbijetava rupii pyrymbytavy verã harã ñy'ãmpoiteveva; hai ouva opaite israelpe'õre, haivi mbeu tapiapire chinchiava ryheva. 11 Vokava retape juru mbotyaposhi, haire heta mbytavy hēnta'õvare mbaimba vekua pyrymboi jyrehe pota jykyrypotirã. 12 Pēnte Cretape'o Tumpa īñēē mbeu'ia heima: Cretavare japuñoī reta, mymba ñarõv raimi poshy reta haereka pota ikoreii reta. 13 Ko ñēē he'iava rãnga ãñete hãrã ijeta poshyshu reta jyrojakuepe my'ãñete verã. 14 Mãhē roja retakui Judeape'õre iñēē mbaimba vekua, ti kuaretare japova, ñymymbyryshi verã ãñeteva reyheva. 15 Opa maīnūnga rãnga ky'ããshu kyambava reta pevarã, opaite ñatey^ japova hãrã opaite ñymyngyava haereka jyrojasembava mba'ēãñoi ky'ããshu hai. 16 Hei rãnga reta kuaava Ñanderu tēvã mbai porãmba japovare rupii ityjyshu reta, tykove jyvaryvape, ñēē hēnduã reta haereka mbai haikaviva ñatey^ japo reta.