¹ 1 Pikua kavipo, pee (mbaiheta) ikoivaipi, pee piyaheo pokui pyhasa asyra ovpape pee pevara. ² Pee pa’ānpoare opapo hũkui, pymondea opapo hou mondeava haso (Polilla). ³ Pyndy oro hareka pyndy kyrypoti opapo yaiikui hareka yaiikue aupo ñaneare opa ñandyrõ ñandyrete houvera tatarãimi, pynmbaty piva mbai hetakue ku ara opaverape. ⁴ Pikua kavipo, pee pupuronupuka, pyheky rei peiva ko ia myno’iare yapovekua mbyhepyashuva yahe’ó kue sopuke hynatu vate’ore iya yapysare. ⁵ Pikova vy’ape yvy iãre, piyapopiva karuvasu, pymyngyra pyndy pyapy vaheserima yukahava yy ara. ⁶ Pe pinmbivache hareha piyukarei pi heka kaviva, hai poshyapope. ⁷ Shy ryvyreta, pyharo kavi ñayirīrīryheve Túnpa ray. Guyypeve. Pymaihe ko iyare, hai harõ kavi’ē iapeve, vãhēma ama tynonde’ó hareka opapeve. ⁸ Kyrupo pee pyharo yyve, pymypyranta katu pyndypya, (Tupa ra’y) ou yymapokui. ⁹ Avy pipirīña pora iyupe, shyryvyreta, potanmba piñimbivachekavera peii. pikua kavi heshara pirinmbivache’ia ime’e ónchepe. ¹⁰ Shy ryvyreta, pymaihe tunpa īñe mbou’iare, iyeta’iare Ñanderu heepe, marara haire hasava ruimi (paciencia) ryheve, kyrura peñeha yyve pe piko yyverave, haire ikovarãĩmi. ¹¹ Pikuaa kavi, ore vy'ahaite haire harokavi’õre hãndi hasa asy ñynoi ryheve, pee pyhenduma marãra Job hasa asyvekua hareka harokuaa Ñanderu mborypeve, haipyakaviva parekomaihe. ¹² Hara īare, shy ryvyre, pĩnjeta iyupe papishare hãndirã, avy pymy’āñete piniñe ara hepe, hãra ko yvy hepe hãra ynga mbai heepe, (Mateo 5.34) ēe, pererá yreī pere haikavi verã hareka perera mba’ety, typyta, mva’ety akvare maikaviahera kyravre nimbivachekandapo. ¹³ Imera’ē pynynmbytepe pẽnte hasa poranmbova, tinmbo’e, hareka ime’e pẽnte vy’a’iara, typrahe yairoyahe Ñanderu tunpare. ¹⁴ Imera’e pyndynmbytepe pẽnte kangyvu mairã hasy’iva tyheno pẽnte sanyaymbare tumpa hópe mba’apo iare hara hairetapo ñymboihe hara tykyty ñandy tunpa ray hee. ¹⁵ Hara pinmboi pyroyaryheva ñanynmondo yepe kangy’iape maira hasy’ivape, hara Ñanderu tunpa mvpuaposhu. Hara mby’opareiposhi, ¹⁶ Kyrara pymbeu iyupe piyapo poronmbavekua, hara pinmboi iyehe, Ñanderu tunpu pynymykyrey hora pynymynguerapo. heko kavivu ñynmboi heta mbai kutvyapo. ¹⁷ Elios pẽnte ñandupisha ñanderãĩmiva yyve. Hai ñynmboira haivimbaverara, haiviveanda yvy īare mbahapy año hareka (6 mese) pukvkue. ¹⁸ Hara nymboiyyra, ama oandayy yvy’iare ãvãpyntuvi kohupi’onre heñoyy kavy iapeve. ¹⁹ Shy ryvyreta īme’e pynynmbyteperu pẽnte. Ñava aneteva hapevi, hara imera’ē ynga shyryvy veruyyva kyrava, ²⁰ Pikua kavipo, pe shyryvy mbirovakayyva hapishupe hape poranmbavaivi, mondoyepe hareka. Navavekua, manovi harekare yasoi ñamby’opa heta mbai poranbu yapovekuaivi.