¹ Maivira ou ñyraro ñẽẽ kué ñany mbyteivi ouara pyndyrete potavaivi. Nyraro pypya koko'ẽi ² pee pyneri’ pipityvera pẽnte mbai mba’e ramba imepy reva pee pipotaitea pẽnte hara pynyreny tata rãĩmi pupu ruca vera haima kỹvera pipityvera hanra mbai. Pipotava kyraveramba hara mba mẽhava. Pee rãnga pirure kaviara. ³ pirure tea pipitya pypory kaviara haima pymyvatama pyndyretepotavai porãmbava ⁴ pee pysyryshia Ñanderu hapepiko taupe imepoishia rãĩmi iko taupe heko porãmba rãĩmi haima iko ybyiare haihuarãĩmi ikoma Ñanderu mymoramba rãĩmi-ĩ ⁵ pimora Ñanderu ĩñẽẽ heheite. Ñande haihu (Pytu) haikaviva hai none ñandypyva.y ⁶ Ñanderu katy pota Ñañymbory haipyakavi haima Ñanderu ĩñẽẽpe hei Ñanderu pya ohoahe ñymbyve teva hara pareko ñymbyrete mbava Probervio 3:34 ⁷ piñyñono Ñanderu ipope haima pinion tantara aña haima hai syry popyhevi ⁸ piñy mboya Ñanderure haima hai oupove pykoty pee piyohe pepore heko porãmbare. Hara piñono kavi pypya ⁹ pyãnhe pavete hara piyaheo pukavaivi tohe yaheo pyvya kueivi tiko pavete ¹⁰ pimby veteara Ñanderu hynondera haira ninono kavi po ¹¹ Shyryvyreta avy pinyeta pora iyehe haima inyeta porãmbaihe hetarava nimbi vache héva hetarova haima inyeta pora Ñanderu yapovare haima mdee rimbivache rira Ñanderu yapovara hara nde riñiñono piri mbiva cheiva ñee rynhendu tevera nde riñiñonori piri mbivacheiva ¹² haeimba mee arykai yapoava haima haei katu piri mbivache haein ñany mondoyepe hara mypora. Nderãnga mbara mbavara rimbiva cheri ndapisho ¹³ piyasakakavihe pee pereva haee haira pare ahoapokui pẽnte tẽntape hara pytaha haipe pẽnte año mbaovavera mbatyha yry kyrypotira ¹⁴ pikuarãnga pare mbaivara ikapo parée mbaivara pyndykove ova yvy tinboi ova opaveiva ¹⁵ 15 kyrate pereverãnga Ñanderu potarãĩmi haira ore ikoterira hara yapoapo kova maira au ova ¹⁶ haimo ã'ẽ pyveruha haima pimbyvete pikuarãnga kyrava ñymbyvetero pora mbava ¹⁷ imee katu yapova haikaviva haima yapoara ha’ei nymby heko poraa.