¹ Hãrã jajasaka kavipohe ka'ãīpi opa mbai ñahēnoluva rehe , mãhē yngaity jahashi pe haikaviva. ² Opaite mbai ara vateivi jokueava hei vekua opapo japoha , ñēē hēndumbare haereka japombavare hek'ope kavipo nūpãhakui. ³ Hãmēra marãpo ñañemishikui ñunūpaivi ñande ñamomba'ēãrã haereka ñambijiche pynymondo jepeva hape, Hesukristo rãni mbeu kova pe pynymondo jepeva ryheva hãrã Hesukristo haykue y^ngava hekope kavi heshavare Apospolre iñēē mbyhasajy ñande pevarã. ⁴ Ñanderu my'ãñete iñēē mbai kavi heshaha verã, heshaha verã, mbaikatu rupii. Ñanderu Tumpa mēējyve Espiritu haikaviva pota mēēshuvape, Hai pota rãimi. HESUKRISTO OU ÑANYMONDO JEPE VERÃ ⁵ Ñanderu rãnga ñonoãmba arykai Tumpa jokuevare ipope vokava yvy py'ahuva ou'ē verã, ñande jaijeta heva. ⁶ Voka ñymbai ryheva mbyrahepe rãnga hei: Mbaivara nde kuimbai, nde nymãnduahe verã, ndera hai yvy īãrē'o tay rejepy'apyhe verã. ⁷ Rijaposhu mishī ara vateivi jokuehavaivi sapy'aiteī, tēvã haivi rymbyvete haereka rijeta kavihe. ⁸ Opa mbai ndepy ipe rīnono. Ñonoha opa mbai ipy ipe, mba'ety mãīnūnga tepope ñonohãmba vekua hynõnde. Tēvã a'ē jaheshãã teri opama ñonõhava mãinūnga hai ipope. ⁹ Tēvã jahesha Hesu , sapy'aīteī mishi japoshu jy'ara vateivi jakuehavaivi , Hai mano verã , tēvã a'ē vate iniñono haeieka ijeta kavihe , mano iupii; Ñamderu Tumpa opavare parekoiteshurã . ¹⁰ Ñanderu Tumpa pevarã opa mbai japoha hãrã Hai rupii heta mbaima iko jyve. Ñanderu heta veru tayre' haereka tajyre , pe pyrymondo jepevaipi HesuKristo ñymano rupii. HesuKristo hykovepe hasa asy heko kavi verã . ¹¹ Hesukristo pevarã hai pyrymbyheko kavi verã haereka ñymbyheko kavi manovare imēmare verã pēnteī Tuurã, hãrã Hesu notiã hēnoshu verãre shyryvyre. ¹² Ñanderu iñēēpe rãnga hei: Ambeupokui ndyree shyryvy retape, she ãrēmombaipo opaite henõha vekua retaivi ñymbatyha õīvi (Tupaovi) . ¹³ Hãrã hei jyve: She airojapo, hãrã heijy: Kope she ãī shyrayre hãndi, Ñanderu rãnga mēēma. ¹⁴ Hãrã tayre ho'o haereka huvykueivi me'ēha jyveshu Hesukristo tyro'o haereka tuvy, mano rupii jukashu verã Ãña, vokava nymano ija kue. ¹⁵ Kyrã Hesukristo mondojepe opaite ñymano kyjeshiare haereka jokuerea rãimi iko heta ara pukukue. ¹⁶ Hesukristo ouã mboryshu verã Tumpa jokuevare koñei ou mbory Abraham ñymoña hãndiare. ¹⁷ Hãrã opavare Hesu ova rãnipo opavape tyvyretape, haivi ikoshi verãkui pai vasu añeteva haereka pyryparekova, opa hekyshi verã kuaretare heko porãmba vekua nymanorã rupii. ¹⁸ Hai hasa asy rehe haereka heta pyarã'ãhashu rehe katu mbory jyve opaite pya ha'ãhashua retape.