1 Hetama heta ara Ñanderu ñïmiñeẽi arykaivare Ñanderupe Tumpa iñee mbeu'iare (Profeta) 2 ko ara opavape ijeta'ẽ ñande tay Hesukristo rupi: ipope ñono opa mba'e, Hai rupive ijijapo opa mbai ijyheshaverã heshambava (Colosenses 1.16) 3 Hesukrito rupive ijyhesha Ñanderu mbaisapeva, Hesukrito rupive Ñanderu ijyhesha jyve marãvara jyve, Hesukrito ranga hai, ko yvy joko'õvã (universope) ijijapo evã iñe pyrãtãkue rupi Hesukrito hai mba raha arykai mbai poramba hai oho vapy'ẽ vate Tuu jakata kyty 4 Hesukrito vatevé ẽshi jokuehareare (Angelkuera) Hareka hipity hee tivisha veshi. HESUKRITO TIVISHAVESHI ANGELRETAIVI 5 Marãvã vateo jokuehavara he'iashu nde shyra'y ko arape arymymoña, hare shepo hai nderu, ndee po shyra'y 6 Hai hei minjejy tay tynondeva ko yvype, opaiteva vate'õ jokuehava opapo ou oa hynonde omombai vasuverã. 7 Hare vate'o jokuehavare katu hei: Hai ranga japo vate'o ña'ãporã mondovare opaite yvy tivishavape hare jokuevare himbikuepe'i tata rãimi'ou. 8 Tayrepo hei, she Ya, vapyhava tivisha imepo'e ara tivishava hare ara tivishaiteveva rupi, ndepu'akahe rynoheverã kova nyrẽtã vasuivi. 9 Ryhaihurã (justicia) hare ndeãjyve heko vai Ñanderu ñỹpyhỹro vyape, hare rikoverã hai ndi'ijarã, nde vatereporeĩ ñi'ĩrũrembyteívi. 10 Hare heivé nde ranga rijapo kova yvy (mundo) vate'õva nde po japovekua. 11 Opaite kova rijapovekuare opapokui. Tevã nde rikopo opa ara, haire opapo tujukui mondeava raĩmĩ. Haipe 12 mbijapaha, hare mbijapaha mondeava tĩvã raĩmi Ndeny hai opambava hare año opambava. 13 Marãvã timbijokuera vate'õ (Angelkuera) haira heishu Ñanderu ei vapy shakatakyty añono verã ndyreshatamba'iare ndepy henda re. 14 Hare jokueavare vate'õ, Espiriture hai mbou yvy'iarẽ mboryverã ohojepeverãpe.