1 1 She Pablo, Silvano haereka Timoteo, mbyparaha ko kuatia ñeẽ ñandy ryvyre tupaope õre tẽnta Tesalonicape, pẽnte pẽĩ ñynoĩva Ñanderu Tumpa Ñanderu haereka Ñanderu Hesukristo pyny mbypya kavi haereka tiñono pyrehe mbai haikaviva. 2 Opa ara ñoĩ mẽ ẽhã yryvy akue Ñanderu Tumpape pyndy rehe, ore mandu ahama pyreherã jurureha ẽrã. 3 Ore mandu a ñoĩ Ñanderu Tumpa haereka hỹnonde mãrãra pymba'apo pirojakue rupii, mãrãra piñyhã pyhaihu kuaretare, haereka mãrãra pijepy he opa mbai pyhãrõ kuava rupii, Ñanderu Hesukristo rehe. 4 Shy ryvy reta, Ñanderu Tumpa haihuva, kuaaha rãnga hai pyny pyhỹrõ rãvekua. 5 Vokava ore mbe uha peerã vekua Ñẽẽ kaviva, mbe uhã pee ñeẽ rupii ñoĩteva, Espiritu Santo mbaikatu ryheve jyve haereka jyrojakue rupii. Pee rãnga pikuaa kavi mãrãra ikoha i pyny mbytepe, pyndy raihuharã. 6 Pee rãnga pyhasa asy ore hasahava raĩmi, haereka Ñanderu Hesukristo hasava raĩmi; pyrojava vyape Espiritu Santo rupii voka ñeẽ kavi mbe uha pee vekua. 7 Kỹrã iko pyndy hevi heshaha verã opaite Hesure jyrojava, tẽnta Macedonia haereka Acayape õre. 8 Hãrã kỹrã Ñanderu Tumpa ĩñẽẽ ou kuaaha pee rupii, haereka ha eã Macedonia haere Acayape ñõĩte mbe uhava, opa rupii kuaaha jyve piroja Ñanderu Tumpa reherã; hãrã katu veãma ore mbaiva he iha. 9 Kỹrã tẽvẽrã, hai reta teiva mbeu mãrãrapo pee ỹrỹmy vãhẽ, haereka mãrãra pijerejy Ñanderu kyty opaite ta ãnga ñemombaivi pĩñiñono verã Ñanderu Tumpa hykoveva haere ãñeteva ĩñẽẽpe, 10 haereka pyhãrõ verã vate araivi Hesu, Ñanderu Tumpa Tay, voka Ñanderu Tumpa mũpuãjy vekua manovare pãũivi, haere ñany mondojepeva ñimbivache vasu ou verãivi.