¹ 1 Opaite Hesu jyroja heva hai Ñanderu Tumpa tay, haimajy Ñanderu Tumpa tay haereka tajy haire ijyhaihupo Ñanderu Tumpa jyporeko kue mẽẽvã rãĩmi. ² Hamerãpo jaikuaa jahaihu Ñanderu Tumpa tay haereka tajy, ãñete jahaihu Ñanderu Tumpa jahaihurã haereka heiva jajapo katushurã. ³ Kova hai Ñanderu Tumpa jypareko kue, jajapo katushu hai heivarã, hai heiva pohyãpo ñande jajapo verã. ⁴ Opaite Ñanderu Tumpa tay haereka tajy ãñẽte jyrojarã hasapo ko yvy ĩãrẽ mbai porãmbava, jyrojakue hekope kaviva rupii. ⁵ Mbavara jytasopo ko yvy ĩãrẽ, Hesukristo Ñanderu Tumpa tayre jyrojava rãnga. ⁶ Kova Hesu ou aryka'e tuvy haereka yy rupii, tẽvã ha'ẽã yyi veruva, yy haereka tuvy rupii jyve, Espiritu Santo hai rãnga veru haereka mẽẽshu ĩnjeta verã kova veru hai ñẽẽ ãñeteva. ⁷ Mbahapy rãnga ẽ kuaakava kova mbai. ⁸ Espiritu haikaviva yy haereka tuvy, hãrã mbahapy ẽvãre ĩnjeta ijupii. ⁹ Ñande jaroja ñẽẽ ko yvy ĩãrẽ õrã, jarojave tẽ verã Ñanderu Tumpa ĩñẽẽ. Hai vatevẽ ẽshi ko yvy ĩãrẽ õvã ñẽẽ hai heima Hesukristo haiva tay yite. ¹⁰ Ñanderu Tumpare jyrojava ãñeteva pyapere, jyrojava mba heva mbapu jyve Ñanderu Tumpa, rojã Ñanderu Tumpa ĩñẽẽ hai tayre ĩnjetarã. ¹¹ Ñanderu Tumpa mẽẽ ñande verã hai kova, tykove opambava haereka tykove opambava tayre ẽ. ¹² Hãme rãnga pyape rekova Hesu ĩmẽre tykove opambava, haima pyape mbaétyreva Hesu mba´ety re tykove opambava. ¹³ Háme ambyparape, Hesure jyrojava, pikua kavi verá pyreko tykove opambava. ¹⁴ Háma jyrojaheva, pẽnte mbai jurureshura haereka hai potava jyve haindapo hẽndu jurureva. ¹⁵ Jaikua kavi hai ´nanyrendupotará, imeráe jairureshura jaikuapo jyue imema jareva jairureshua. ¹⁶ Ime´´e pénte hapisha hesha porámbape ivará, pénte porámba haimba purukava. Tirure jaré ´Nanderu méshuverá tykove. Ime´´e jy porámba purukava vokavape she haipe avy pirureite íáré. ¹⁷ Heta'e mbai japoava ñymbyvaishova Nanderu Tumpa haereka ĩñẽẽre ĩmẽ'ẽjy mbai porãmbava veru ñymano. ¹⁸ Jaikua rãnga opaite Ñanderu tay hareka tajy porãmbava japoá hai. Hesu ´nyngarekoheretará katua ojahe. ¹⁹ ´Nande jaikua kavi ´Nanderu hai ´na´´ampova Hareka jaikua kavi jy kova ipopeteriẽ. ²⁰ Jaikua kavi ´Nanderu Rayo uva haereka méé ´nande mbaikavi ´nanakape jaikuaa verá a´neteva hare ´nande ´náí a´netevapy vokava heise ´name ´náí ´Nanderu Tay Hesu Kristopy. ´Nanderu a´neteva hai haereka tykove opambava. ²¹ Shy ra´y shy rajy pingareko pijehe kova taãngaivi. Amen.