1 1 Ore japoha ñẽẽ tykove ryheva, arykai jypyiteravãĩ ẽẽ vẽkua, hãma ore hẽnduashu, arykai yrapysaipi, ore heshahashu yryresaipive haereka yrepoipi pokoahe. 2 Tykove ñany mby heshahakava, ore pytaha heshaha verã ãñeteva, hai mbe ua jyvepe tykove ryheva opambava Ñanderu Tumpa ĩñẽẽ, ỹrymby heshahakama ore. 3 Hãrã ko ore heshava haereka hẽnduava mbe ua jyvepe piñimi ĩrũ yryrehe verã, ñaime hãndi verã Ñanderu Tumpa haereka tay Hesukristo. 4 Hãima kova mbyparape tumpapirere opaiteva javya verã. 5 Ko ñẽẽ haikaviva hẽndua Ñanderu Hesukristoivi. Hãma pota mẽ ẽã jyvepe Ñanderu Tumpa hai himbipe hendyva, pymtuape ẽã hai Ñanderu Tumpa. 6 Haima Tumpareĩ ãĩve jairã, jajapo terijai porãmbarã, ñandapu, hãma ja ẽã ãñeteva. 7 Haima jaiko himbipiaperã, Ñanderu Tumpa rãimirã, haikavipo jaha Ñanderu Tumpa hỹnonde, hãma Hesukristo huvy rupii opa ñandohe mbai porãmbaivi, Ñanderu Hesukristo hai ãñeteĩteva Tumpa Ray. 8 Ajapoãshe porãmbava jai ñandijuperã ñandei ñañymby tavy. Hãma ñandy pyape mba'ety ãñeteva. 9 Ñambeu Ñanderu Tumpape parãmba jajapo varã hai heko kavi haereka pya kavi hejarei ñande verã porãmbava jajapo vekua. 10 Porãmba ajapoã she kuei jai ñandi jeherã, ñambi japu Ñanderu Tumpa, hãma ĩñẽẽ mba'ety ẽ ñandy pyape.