¹ Imeẽ pevarã shyva’vy hãndi hapishava haméra mara’ĩra oho yurure shy haimbãrevare õpé ohotẽ yurure verã Ñanderu Tũpa’ rejevare õpe? ² Homera pikua Hesu Kristo rejevare ñimbi vaché pókui ko yvy ĩãrẽ õre’ pe shyvevé piñimbi vache pokui ko yvy iãrẽ marã ĩrãrá peejyve piñimichiã hecope kagui pimbi vache shy verã pora mba õvaré? ³ Pikuarape’ ñande ñoi ndapo ñañimichi kuei angel’reta kyrami’jyve hamerãnga’ marãiraã kyrãrã pee jyve píñimichiã hekope yvy iãrẽ õvareta. ⁴ Imerẽ heshata’mba õvá pyny mbytepe’ hokape (kova) yvy ĩãre michí õvaretape mbaivare hérá piñono pẽẽtei pirimimichi ñva katoape ivare hẽndú samba ivare nñee hẽndu mbavare iglésiape mbiva chejavé ruré Hesu Kristo õimba hãndivare. ⁵ Apyvymy mara verã rãnga she haipe kova hare mbaetyra haipe pyhy mbytepe mbai kuavave katu mbivacheva Ñyrãrõ ívareta pyny’mbytepe. ⁶ Aipota rãngate piko Iglesias re’ovare Ñyrãrõ pepetei piri mivache ivare roya’mba ivare hynonde. ⁷ Porã be ãĩtema’jy kyrã pirã piyeshata pirã mbaiva rejera pishirirĩa akuarã píkúa kavimba ryjeve mara ĩra pyjeyai heky reipyndy hevi pyny ãnpova. ⁸ Peẽ’rãnga hekope kaviã piko hare pyjeky rei hare õpãí kova hermanore’mbytepe hipity. ⁹ Pikua ãinteirape heko povã mbava icheandapo’ kui Ñanderu Túpá hẽtaguasupe kova rãimiva hare yaiko ñandi jyva mbai potarai’vi’vape’yaikoteri Tyrã ãngã yurure ichuvare hyreko’teiva yngava’ikoijy hãndiva heko myngya va hare kuimbai hapicha hãndi ikova jyve. ¹⁰ Hare’manarõ ivare pota haiva hare kauiva harejy hapicha jykove pota mbai rei iva. ¹¹ Kyrãvare pynymbytepe ẽ ã’ẽ katu opa johéha Hesu Kristo ramẽĩ haereka Ñanderu Tupa Espiritu haikaviva pyra ta hamei johea kavima. ¹² Ñandy rete Ñanderu Tupa ña’ampova. Opavambaikatu ajapo,opiateapo haikavi she opambai jave she ajapovera aheja kyrũrã aheja mbaety jepy shy reheva. ¹³ Timbi, ú rãnga ñandypya pe ẽvera haima ñanimbiu pe ẽvera opaipe Ñanderu Tupa opapo mbai mokue õretape Nandyrete rãnga ha’eã kyãva pevarã ñaimoña hãndiare pevora jyve. ¹⁴ Ñanderu Tupa myguerajy (Hesu Kristope) raĩmĩndapo ñanymyguera ñy pyranta kuepe. ¹⁵ Pikuãrape Hesukrito hete ryhevape imerã ahekypo, shi Hesukrito hete ryheva ajapo shivera taupe hete hai kavimbava ha’eã kyravera. ¹⁶ Hamera pikúape ikova taupe heko kavimbava hãndi, mokue ãre tyretevi ikomo pẽnte tyrete Ñanderu Tupa kuatia ñeẽpe hei mokue iare ikoma shi peteihete. ¹⁷ Katy’nga mi ĩrũva Hesukrito hãndi katu iko shi mokue õre pete pya’ape. ¹⁸ Pykañy kyavare opava porãmba japohavere yvy ĩarẽ õre japoava hete katu’a pe’ẽi haima hekokya iva yngá taupe iko hãndirã kyra’ia hetepe imere porãmba japova. ¹⁹ Pikuara pe pyretepe Espiritu Santa Ñanderu Tupa mere pevekua haimda kuepí (tupao) Espiritu Santo ñaniñype iko iva haiveama pa’ampova. ²⁰ Hépyre Ñanderu Tupa py’ova arykai hãrãpo pirojajyva he pyndy’ape.