¹ Hẽndu harãnga péte heko porãmba ikopymbytepe; kyrãva tykove opateripo imeẽ rojambáva Hesukristope pymbỹteẽpe péte imeẽ rekoreva ishy rãnga. ² Hára peé pirojaite teripijeẽ, pymbasyrã hará pymoẽ mateshu vẽra pymbyteivi, ³ shy rete ryẽvea ájemarai ameã pymbytepe. She espiritu katy imeẽ ãipe, harã mbivashesape she aimeãiva rãĩmi shy retepe pymbytepe, ⁴ pimbaty Ñanderu Tumpa Hesukristo rẽrape hará aimepoãi pymbytepe she espiritu pe hará Ñanderu Tupa Hesukristo pyráta’kue ryhéve ⁵ Ñameẽ pó vokava kumbai añape. Ãirãnga mbairãnga étepe ahereka ij espiritu õhojẽpe verã Hesukristo oujyrã ⁶ mbaẽty pe jyroja ijeéva pikuarã michitea mby oukava ompa mbyõu mbiipyãra (Harina) ⁷ Pymombo pahá mby’ouka ndeshive. Ikopyndyhevi verã pẽnte paha py’áhuva. Harã Hesukrito ikopo pyndykóvepe paha mby’ouka py’áhuva rãimi. Ha’eara jukaha arykai páscu’ape ñandyrehe. ⁸ Hãméra ñanymandu’ahe Pascua pahã myo’uambáva ryhéve. Voca hai tykove kyambá hareka añentéva ryheve. Harã ñamómbo pahá mby’ouka ndeshiva. Vókava heishu tykove poshyva hareka tykove ky’ava. (jyrojambava) ⁹ She amondo ma pé shine kuatiape avy pihi’a hare avy piko tykóve ky’ava hãndi. (O jyrojambáva) ¹⁰ Ha’érãnga pee pysyryite shi verã opiate tykove ky’avaivi. Ikova ko yvy iãré mairã pota ha’ein myntynondéava. Mairã manarõ vaivi, mairã ta’angai ñymboi ishúvare, kyrã potarã méara pehe ñoipo ko yvyivi. ¹¹ ã’ẽ shine kuatiare ambeukamape pysyry shiver ñandyryvy – rã’ãngarétaivi. Ikova Ñanderu ho pe’iare pãupe harã ikoteri iva tykova ky’ava. (pecado) mairã pota ha’eīn mytynondẽava, mairã ta’angai ñymboi ishuva, mairã hapishorein ĩnjetava mairã savypova, mairã manarõva. ¹² she ha’eã ambivache vera jyjrojamba terivare ñande ñambivache rãnipo Ñanderu ho pe’ivare. (o Miembro de la iglesia) ¹³ ime’ẽ jyrojambava Ñanderu tumpaĩ mapo mbivache retakui. Pymõhe katu pynyny tykove kyavo (jyrojambá vare).