¹ Ko kyrypoti mbatyhakavâ Galicia Igleasiare pevara mbyhasá vera Jerusalen Iglesiape mbyhasavera Jerusalen Iglesiape pymbaty po jyve ² cada domingo pymbaty pyrentaipi kyrypoti pepetei pymé pipityva avy ayera pymbaty pikui kyrypoti avanhema ahará ³ avahema aha perá pota amondo Jerusalenpe kuatia amby parava heraka pydy kyrypoti a kua hermano re ryheve pe pymy henvavapo pe pyroja katuva ⁴ teko tenvera she ahapo jyve haimapo akuare ohojyveteui ⁵ ahapo avahepekui aha Macedonia vira haipipo ahasakui ⁶ she ranga aipata apirin mi inru kyn mi tenkui ara ro'y aja haivi ahamara aipotapo shi mi inru pikui she potá ahavape ⁷ haima haipi ahasara apotanpo terípo apyryheshakui aharopokui haivi aijymara haima apytamopo anpirin mi inrunkui Hesukrito potará ⁸ kope Efesope po apytakui espíritu aretepevé pentecostes aretepevé ⁹ pente onche ranga jypeashe ambeu vera Ñanderu Tumpa iñé hai kaviva (evangelio) heta en pota henduva haima ime enjy Hesukritore Ñymby vasho iare ¹⁰ Timoteo vonhema oho jyve perá pymbory kavi jyve shakuí haima hai jyve kyjeamopo pinimi inruvera haijyve she raimiva Hesukrito mbaravykype ¹¹ avypo pynypaunpe enkui pente mbyvete mba rea pimi iruveshu vy á katu reheve vanhe oupeve she ainvape shara she aharo ainshu haima yngá Ñandyryvyré handí ¹² Ñandyryvy Apolospe airure kavi shu ohovera peinvape hareka ynga Ñandyryvyre handi katynga hai potan teri oho katynga vahe pokuí ara ohoverá ¹³ pingareko katu pypyta Tanta pyroja katu ryheve piñi my kyrey hare piñi my pyranta ¹⁴ opaite mbai pijapova pijapo jypareko rehe ¹⁵ Airure asu pé Chyryvyreta pymaí kaví hevera Estéfanas henta inrure handi rýroja Tynonde rojavare Hesukrito Grécia pe onre hareka henta inrure ha á paite mbá apo onre Jesucristo ñymbarabykype ¹⁶ pimi inru pymbory kavi shu reta opaichagua Ñandyryvyre oñe han á onre Jesucristo Ñymbara vykype ¹⁷ avy'aite ranga Estéfanas Fortunáto hare Acaico ou vanhe jyve shera haire shymby vy'á pyny renda kúepé ¹⁸ hairétaranga mbybya che espiritu hareka pe pende espiritupe jyve haima pymai kavi pohe kyranva Ñandyryvyre ¹⁹ Asia pe on Iglesiare pyny marandúka Aquila heraka Priscila mondepe saludo Hesu Cristo hépe haima kyrain jyve shyrentape Ñymbaty onre hentape ²⁰ opaiteva Ñandyryvyre pynymy marandúka iglesiape onre beso ryhehe ²¹ she amondope saludo she teiva she poipi ²² ime en Hesukrito haihu mbara hokava tijaheaje. Maranáta (Hesukrito tou jyvy) ²³ Hesukrito jyparekokue time pýrehe ²⁴ apyrypare ko kué añeteinteva Hesukrito rupi opaiteva Toin pyrehe