¹ Che Pablo chyrenohava arykai (Hesu Kristo) mondova apostol rã airã Ñanderu potajapoachuva chyryvy Sóstenes hãndi. ² Ambyparoi kuatiaiñe, e tupao Corintiopeõre chyrojavare Hesu Kristore Heiachureta ikochiverare Heko kyambavera opoúte ñaneretaráre haipy õre opama kuaavureta Hesu Kristore chyrojava. ³ Ñanderu tupa hareka (Hesu Kristo) pyryparekova py’akaviv py’a vapyua tymynyhepe pyndyrykovepe. ⁴ Pablo myhory (Hesu Kristope) Pable myhory opa ara Ñanderu tupape pyndyrehe Ha’e pyndyparekorã Hesu Kristo he’iva. ⁵ Opa mbaipe pyrojaiteva pymdypype opaiteva pẽnte ñe’epe mbai kuaakuepe. ⁶ (Hesu Kristo) ĩñẽẽ’e mybypyranta pyndyrykovepe. ⁷ Haipe chykua pymymbytepe opava pytu haikaviva me’éva ehehuvekua ymgã tupaopere. Pyharotepeiva (Hesu Kristo) ouchypeve. ⁸ Ha’eara (pymymykyrey pikovera) pete py’ape. Hai oupeve. ⁹ Ñanderu tupa haeiteva pyroahe ĩñẽẽ’ekue hairãnga hei pei kyvyty peivera pete ñẽ’epe ta’y (Hesu Kristo) hãndi. ¹⁰ Jyvavy Corinto tupaope Ñandejara (Hesu Kristo) erape pyny yngaivera pete ñe’ẽpe avy pynymbytepe oĩ ñyrarova pikokavi pete ñe’ẽpe. ¹¹ He’ia rãnga che pyrehe cloehemtaipi imeé haipi ñyrarova pymbytepe. ¹² Ime, ẽ heiva pymbytepe che hai Pablo. Uty, ryheva ynga heí Che hai Pedro aty ryheva, ynga hei che hai Kristo aty ryheva. ¹³ Hesu Kristo, ra opa ñimbija’o, pablo’ra mysavava kurusure arykai pyraihuitera haimajy pynymyngaraivera Pablo herape. ¹⁴ Che avy’a chymyhory’ Ñanderu’ tupape mba’ety avautizava’ pymbytepe, Krispo, haima Gáiope ẽkyrava. ¹⁵ Mbavampo hei che amyngarai chyrerape. ¹⁶ Amyngaraindo arykai’ Estéfanas hẽnta iruretape aikua amyngarai arykai. ¹⁷ Hesu Kristo chymondoa arykai amyngaraivera ĩñẽẽ’e ambeuverai aha pota Hesu Kristo kurusure manora’ pyta mbaimbape. ¹⁸ Ñenderu tupa ñymbyrantakue ñymbaikuakue Kova iyiyukaiare pevarã Hesu Kristo manoramba mandua héare ñande mambaimba jaiva pevarã Ñandera tupa ñypyrantakue. ¹⁹ Ñanderu tupa kuatia ñeeperãnga mbyparamba, che ambaipo mbae kuavareta ambijyjepo haima ĩnjeta kuavare ñe’e.a ²⁰ Mapera’ẽ mbae kuaava Mapera ẽ pyrỹmboikaviva Maperaẽ ĩnjetakuava Ñanderu Tupa rojambava opava yvype re mba’e kuavaretape ²¹ Tenta ijare kuamba arykai Ñandera Tupa mba’e kuaakue Ha’ nohe kuimbaireta taupereta chyrojaiteretara haimbate arykai haikavimbava ²² Judava retanda pota hecha mbai hechavera haereka Greciavareta retanda heka mbaikuavera ²³ Ñande rãnga ñambeu Hesu Kristope mbysavava kurusure Judavare pevara pytama opa óajyvera haima Greciavare mba’etyhai ²⁴ Judavare haima ynga tetapeiare ore mbeua chureta Hesu Kristope he’e Ñanderu Tupa mypyrata hãndigy mbaiekuaakuepe. ²⁵ Ñanderu Tupa japova Hesukrito manovekuarvi kurusure hai mbaimbāchuvare kuaretare mba’e kua’aiteva ynga kuimbai kuaaveva nanderu tupa mbypyramta Hesu Christo manomba ñandyre arykai karusure tantave katu mbava kuimbaira kanta. ²⁶ Chyryvyre pikuapove hetá ẽ kuimbai mba’e kuaaiteva pikuakavipo kuimbai mbare kuava heta he pyramtava hetá ẽ kuavetave ñakãraõre pẽnteva iyevera vate Ñanderu Tupa hetape. ²⁷ Mbaimba kuava kuimbai hareka taupe haivi Ñanderu Tupa hekapy. Mbymarāvera mbae kuavaretape haima jy pyrantambavape Ñanderu Tupa hekapy mymaravera pyrmtare. ²⁸ Pavetevare pyrantambavare kuimbaire hareka taupere paũmpe Ñanderu Tupa hekapy mbai vera ñimbylivicha ivape. ²⁹ Mahẽ kuimbaireta taupereta pota ñimbitivicha Ñanderu Tupa hynonde. ³⁰ Ñanderu Tupaivi jiko Hesukrito haieramei japity mbaiekua jyvache jaha jepe. ³¹ Haikavi ñombypara kuatiare Tupa ĩñẽẽ imẽiẽ pota chyroja ijeva tirojahe