¹ Shy ryvyrẽ she aharávẽkuea peivape ãmbẽũpevẽra Tumpa potava ãerãnga tapy’y mbáikuava ryẽve ĩñẽẽ ẽkaãpyva ryẽva. ² Há’ere ka she ãikuã mbaiva pynymbytepe Ha’earãnga ãmo tumpa ra’y ryẽva Ha ẽreka ñambe’ukavai vera Hesu Kristo hũpiárã vẽkua kurusure háéipo jaroja. ³ She rãnga aiko ãi’ pymnytepéra shy kangy, akyje ha-eraka aryry ryhevéi. ⁴ She rãnga ñe’e ambe’upe hará amondopeé ha ẽa yvy iare õiva mbai kuaa Ñande Tumpa Espiritu Santo pyránta kueivi. ⁵ Avypo pe pumupu’a pyrojava tapyỹ mbaikuava Ñanderu Tũmpa pyrantakuereĩpo. ⁶ She mbaikua ore poryhava apity vera oikavi õre ha’eã mbaikua ko ara jatyóre ryheva, ha’eã mburuvicha guasu ñymbaikua ha’ereka poryva katu oparei ko ara jatyhoretape. ⁷ Ore mbe uha Ñanderu Tumpa mbaikua ha’ereka natuva mbaikua ko ara atyguasupe ña’apova ja’esha Ñande Jahesha jaikoteriva Ñanderu Tumpa heko kavikuepy. ⁸ Kyrãva mbaikua tẽta ruvichare ko arã jatyvãguasu kovãpe kuãrẽta kuarẽtarã mbysavava mbatẽ põ kurusure Hesukrito ⁹ õpãiko mbyparãavã vẽkueã Ñanderu Tumpa iñw peẽvẽkuea kuimbai haereka taupe hẽsape ẽshanda japysape hẽnduánda pyape ẽñoinda Ñanderu Tumpa myẽvamanda oaihũpevaia ¹⁰ kova rãnga Ñanderu Tumpa ẽshaka ñande Espiritu Santo rupii Espiritu Santo rãnga kuaãkape õpaite Ñanderu Tumpa pyãpe pukukue õiva ¹¹ mbavarapó kua mbaivara õipyape pẽte kumbai Haẽreka taupe pyãpe Espiritu Santo Ñanderu Tumpa Espiritu kuaãka Ñanderu Tumpa pe pyãpe õiva ¹² meẽarãngambãpe ko yvy iã reẽvã Espiritu meéá ñande Ñanderu Tumpa gu’ ouva jaikua verã meeã ñadevéra ãinda meẽpo ñande merei ¹³ kovarãnga kovareẽ ñaijetã kumbai mbaikuavare Ñaijeta rãnga Espiritu rupii mbaikua kuaãvẽra mbaivara Esperitu ryẽva õuva Espiritu rupii ¹⁴ kumbai haẽreko taupere ojepyãpyiteẽ ko yvy iãre õiva mbaẽkue Kuaaséa Ñanderu Tumpa Espiritu Santo ryẽva ãireterãnga kava mbaẽ Espiritu Santo ryẽva ãirepevarã Kova Espiritu Santo ryẽva mbaẽa shype. ¹⁵ Hara imerévarã Ñanderu Tumpa Espiritu vokova kata mbivaje opava mainunga Hara mbavẽa mbivajeshu ¹⁶ mbavata po kuaã Ñanderu Tumpa ñãka pyõva Katura mbava mboéshupe ñande katy ĩmejare Hesukrito Ñakapeõvare.