¹ Se ke lefoko la Modimo Yawe le le tsileng kwa go Mika wa Morasitite mo malatsing a ga Jotamo, Ahase le Hesekia, dikgosi tsa Juta, lefoko le a boneng le raya Samaria le Jerusalema. ² Reetsang, batho lotlhe. Reetsang lefatshe, le tsotlhe tse di mo go wena. A Morena Yawe a nne mosupi kgatlhanong le wena, go tswa kwa tempeleng ya Morena e e boitshepo. ³ Bona, Modimo Yawe o tla tswa mo lefelong la gagwe, o tla fologa a tla go gataka mafelo a magolo mo lefatsheng. ⁴ Dithaba di tla nyerologa tlase ga gagwe; mekgatsha e tla kgaogana ka bogare jaaka go nyerologa ga kerese mo pele ga molelo, jaaka metsi a elang fa go fologelelang teng. ⁵ Tse tsotlhe ke ka lebaka la go tlhoka tsebe ga ga Jakoba, le ka lebaka la dibe tsa ba ntlo ya Iseraele. Lebaka la go tlhoka tsebe ga ga Jakoba e ne ele eng? A e ne ese Samaria? Lebaka la mafelo a magolo a Juta e ne ele eng? A e ne e se Jerusalema? ⁶ Ke tla dira Samaria mokowa wa matlakala mo masimong, jaaka mo tshingwaneng ya mofine. Ke tla gogela ditena tsa gagwe tsa kago mo mokgatsheng; Ke tla agolola motheo wa gagwe. ⁷ Ditshwantsho tsa gagwe tsotlhe tse di betlilweng di tla thubaganngwa ditokitoki; le dimpho tsotlhe tsa gagwe di tla tshubiwa. Medingwana ya gagwe ya disetwa ke tla e senyaka. Go tswa mo dimphong tsa gagwe tsa go gweba ka mmele, mme jaaka ele tuelo ya go gweba ka mmele ga ba na go bona mofufutso wa phatla.' ⁸ Ka lebaka le ke tla hutsafala ke ba ke lela mo go botlhoko; ke tla tsamaya ke sa ikatega gape ke sa rwala ditlhako; Ke tla lela jaaka phokoje ke bo ke lela jaaka morubisi. ⁹ Gonne dintho tsa gagwe ga di na kalafi, gonne di tsene kwa Juta. Go fitlhile kwa kgorong ya batho ba me kwa Jerusalema. ¹⁰ O seka wa bolela ka gone kwa Gata; o seka wa lela gotlhelele. Kwa Beta Leapara ka ipidikamisa mo leroleng. ¹¹ Fetang jaana, banni ba Safira, mo bosaikategang le matlhabisa ditlhong. Banni ba Sanana le seka la tswa. Beta Esele wa lela, gonne tshireletso ya bone e tserwe. ¹² Banni ba Marothi ba tlhologeletswe dikgang tse di molemo, ka gonne dibetso tsa tlholego di dule mo go Modimo Yawe tsa fologela kwa di kgorong tsa Jerusalema. ¹³ Lona banni ba Lasisi gagamatsang ditomo tsa dipitse, Wena Lasisi, o ne o le tshimologo ya boleo jwa morwadia Sione, gonne ditlolo tsa Iseraele di bonwe mo go wena. ¹⁴ Ka jalo o tla fa Moreseta Gata; mpho e ba kgaoganyang, toropo ya Asisibe e tla swabisa dikgosi tsa Iseraele. ¹⁵ Lona batho ba Maresa, ke ta tsisa mofenyi kwa go lona gape; baeteledipele ba Iseraele ba tla tla kwa Atulamo. ¹⁶ Mo baneng ba lona ba le ba ratang beola tlhogo ya gago o kgaole moriri wa gago . Ipeole lelatswi jaaka bontsu, gonne bana ba lona ba tla fetoga batshabi go tswa mo go lona.