¹ Lefoko la Modimo Yawe la tla ko go Jona morwa Ametae, le re, ² "Tsoga o ye ko Ninifi, toropo e kgolo, o bue kgatlhanong le yone, ka gore maleo a bone a mantsi thata fa pele game.'' ³ Mme Jona a emelela a tshaba, a tswa fa pele ga Modimo Yawe a ya ko Tarashishe. A ya ko Jopa a bona sekepe se se neng se ya ko Tarashishe. A duela madi a mosepele a bo a pagama sekepe go ya le bone ko Tarashishe, a tswa fa pele ga Modimo Yawe. ⁴ Mme Modimo Yawe a romela phefo e kgolo le matsubutsubu mo lewatleng. Ka bonako ga bonagala gore sekepe se a go senyega. ⁵ Babereki ba sekepe ba tshoga thata mme mongwe le mongwe a lelela kwa modimo wa gagwe. Ba latlhela dithoto tsedi neng dile mo sekepeng mo lewatleng gore bokete bo fokotsege. Mme Jona o ne a fologetse kwa teng ga sekepe , one a rapame koo a thulametse thata. ⁶ Moeteledipele wa sekepe a tla kwa go ene a bo a mo raya a re, ''o robaletse eng?'' Tsoga o bitse modimo wa gago! gongwe Modimo wa gago o tla go utlwa gore re seka ra nyelela.'' ⁷ Ba raana ba re, ''tlayang re latlheng bola, gore re tle re itse yo o re bakelang bosula jo bo re diragalelang.'' Mme ba latlha bola, ba supa Jona. ⁸ Ba raya Jona ba re, ''Tswetswee re bolelele gore ke mang yo o bakang bosula jo bo re diragalelang. Tiro ya gago ke eng, o tswa kae?Lefatshe la gago ke lefe, o tswa mo morafeng ofe?'' ⁹ Jona a ba raya a re, ''Ke Mohebera; Mme ke boifa Yawe, Modimo wa legodimo, yo o dirileng legodimo le lefatshe.'' ¹⁰ Banna ba, ba ne ba tshoga le go feta, ba raya Jona ba re, '' o dirile eng?'' Ka gore ba ne ba itse gore o sia gotswa fa pele ga Modimo Yawe, ka a ne a ba boleletse. ¹¹ Ba raya Jona ba re, "re go dire eng gore lewatle le sisibale?'' ka gore lewatle le ne la gakala fela thata. ¹² Jona a ba raya a re, ''Nkukang le ntatlhele mo lewatleng. Mme lewatle le tla sisibala, gonne ke a itse gore ke ka lebaka lame gore go bo le matsubutsubu.'' ¹³ Banna ba kgweetsa sekepe go boela kwa lefatsheng, mme ba ne ba seka ba kgona ka gore phefo e ne e lebagane le bone. ¹⁴ Ba lelela kwa go Yawe Modimo, ba re, '' re a go kopa, Modimo Yawe, re a go kopa, se re letelele re nyelela ka lebaka la botshelo ja monna yo, o seka wa baya molato wa loso la gagwe mo go rona, ka gore wena Modimo Yawe o dirile jaaka go go itumedisa.'' ¹⁵ Ba kuka Jona ba mo latlhela mo lewatleng, mme lewatle la sisibala. ¹⁶ Mme banna ba simolola go boifa Modimo Yawe fela thata. Ba direla Modimo Yawe ditlhabelo ba dira le maikano. ¹⁷ Jaanong Modimo Yawe o ne a baakanya tlhapi e kgolo go metsa Jona, mme Jona a nna mo mpeng ya tlhapi malatsi a le mararo le masigo a mararo.