1 పచ్చె ఉ ఓడా చడ సమ్ ద్రేనె లoగ ఓర్ శేరేమా ఆయొ జనా 2 ఇదేక్ పాక్ తీ సుకారీజె రోగేతీ బాజె ఉంపర్ పడోజేనె ఏకేనె జ ఓర్ డై లే ఆయె యేసు ఉందేర్ విశ్వాస్ దేక బేటా, హిమ్మతేతీ రే తార్ పాప్ మాప్ వేగో క పాక్ తీ సుకారోజేనె కో. 3 జేర్ వాసె పండితేమా ధోడ్ సేక్ ఈ దేవేనె భాoడ్ రోచె క ఉందేమా ఓ కేలేతేఖo. 4 యేసు ఉందేర్ ఖ్యాల్ మాలమ్ కర్ లే తమ్ కసెనె తమార్ దల్లేమా బల్లా సోoచ్ కర్ రెచో? 5 తార్ పాప్ మాప్ వేగో క కేయెరో సుదో కె, ఉట చాల్ క కేయెరో సుదో? 6 పణ్ పాప్ మాప్ కరేనె ధర్తీ ఉంపర్ ఆద్మీర్ బేటానె హక్ ఛే క తమ్ మాలమ్ కర్ లేణో క కే ఉ పాక్ తీ సుకారో జేనె దేక తు ఉట తార్ బాజానె పాల్డే తార్ ఘర్ జో క కేతేఖo. 7 ఉ ఉట ఓర్ ఘరేనె గో. 8 ఓ దేక చమ్ క ఆద్మీనె ఆసోహక్ దీనోజే దేవేనె ధోక్ దీనె. 9 యేసు ఒతైతీ జావ్ తో కాని చీటి లేవాళేర్ జాగె కన్నె బేటోరజే మత్తయి కజె ఏక్ ఆద్మీనె దేక మార్ లారె ఆ క ఓనె కేతేఖo ఉ ఉట ఓర్ లారె డగర్ గో. 10 ఘరేమా యేసు భోజ ఖాయేనె బేటో రజనా సుంకరియా పాపీ ఆస్మా ఆ ఓర్ కన్న ఓర్ చేలా కన్నె బేటే. 11 పరిసయూల్ ఉదేక తమార్ బోద్ కరెవాళో సుంకరియావుతీ పాప్యూతీ భళ కసెనె ఖొరాకీ ఖారోచే క ఓర్ చేలావునె పూచె. 12 ఉ ఉవాత్ సామళ రోగేవాళూనేజ్ హకీమ్ జరూర్ పణ్ వారుచె జేనె హకీమ్ జరూర్ ఛేని. 13 మ పాపియూనె బలాయెనె ఆయొ పణ్ నియతేవాళూనె బలాయెనె ఆయొకొని జేర్ వాసె, మేరెనేజ్ కుంత్ రోచు పణ్ భోకణేనె కుంతూని క కజకో వాతేర్ అరత్ కాయికో తమ్ జా సీకో క కో. 14 జనా యోహానేర్ చేలా ఓర్ డై ఆ పరిసయులూ హమ భూకేరేరేచ పణ్ తార్ చేలా భూకే రేని ఏర్ కారణ్ కాయి క ఓనె పూచ్ తేఖం 15 యేసు వేత్ డూ ఉందేతీ రజనా , వాయార్ ఘరేవాళ్ హయి కర్ సకెచె కాయి? వేత్ డూ ఉందేర్ డైతీ జాయేర్ దాడ్ ఆవె జనా ఓ భూకేరచె. 16 కోయిబీ జూనె కపడా ఉంపర్ నవొ టోకడా జోడేని జోడేతో ఉ తీoక్ ళీ టోకడానె క్యాoచె ఉజ్జీ జాదా పాటే . 17 ఉజ్జీ జూ తిత్తీమా నవో ఆoగూరేర్ రస్ ఘాలేని ఘాలేతో తీత్తీ చీరా అoగూరేర్ రస్ రడ్ జా తీత్తీ ఖరాప్ వేజా పణ్ నవో అoగూరేర్ రస్ నవీతీత్తీమా ఘాలెచె జనా ఓదోయీ ఖరాప్ వేనిజు రచె క కో. 18 ఉ ఏవాతే ఉందేతీ కేతో రజనా ఏక్ హొదేదార్ ఆ ఓనె ధోక్ దే మార్ బేటీ అబజ్ మర్గీ పణ్ తు ఆ తార్ హాత్ ఓర్ ఉంపర్ మేల్. ఉ బoచె చె క కో. 19 యేసు ఉట ఓర్ లారె గో ఓర్ చేలా సదా గే. 20 జనా బారె వర్సేర్ ప్యాడ్ చాల్ రీ జకో ఏక్ బీర్ రే. 21 ఉ మ ఓర్ కపడా మాతర్ చీపూతో వారు వేజావుచు క ఓర్ మనేమా కేలే, ఓర్ లారె ఆ ఓర్ కపడార్ కొస చీప్ లీదీ. 22 యేసు ఫర ఓనె దేక బేటీ హిమ్మతేతీరే తార్ విశ్వాస్ తోనె వారుకీదో క కేతేఖo,ఓ ఘడీమా ఉ బీర్ వారువేగీ. 23 జేర్ పచ్చె యేసు ఉ హొదేదారేర్ ఘరె ఆయొ ఓతై వాస్ ళీ బోలాయెవాళూనె ఆట్ కర్ రెజే మళాయెనె దేక. 24 జాగ్ దో ఈ నాన్ కి నిoద్ లేరీచె పణ్ మర్గీకొని కన్ ఉందేతీ కేతేఖం, ఓ ఓర్ ఠట్టాకీదె. 25 పణ్ ఉ జనేర్ మళాయెనె బారె మేల్ దే మాయి జా ఓర్ హాత్ ఝల్ తేఖం ఉనా కీ ఉటీ. 26 ఈవాత్ ఉసారీ మల్కేమా మాలమ్ వేగీ. 27 యేసు ఒత్తేతీ జావ్ తో రజనా దీకాణే ఓర్ ఆ దావీదేర్ బేటా, హమార్ ఉంపర్ దయా రకాడ్ క కల్ కారి మారె. 28 ఉ ఘరేమాయి గోజనా, ఓ కాణే ఓర్ కన్నె ఆయె యేసు మ ఈకర్ సకు క తమ్ విశ్వాస్ కర్ రేచో కాయి? క ఉందేనె పూచ్ తేఖం. 29 ఓ, విశ్వాస్ కర్ రేచ ప్రభూక ఓనెకే జనా ఉ ఉందేర్ ఆoకీ ఛీప తమార్ విశ్వాసేర్ నై తమేనె వేజాక కేతేఖం. 30 ఉందేర్ ఆoకీ ఖోలాగీ జనా యేసు ఈకేని నమాలామ్ వేజు దేక్ లో క ఉందేనె జోర్ తీ హకమ్ దీనో. 31 పణ్ ఓ జా ఉ సారీ మల్కేమా ఓర్ కీర్తి మాలమ్ కీదె. 32 యేసూ ఓర్ చేలా జావ్ తే రజనా భూత్ డీలాగీ జకో ఏక్ గూoగేనె ధోడ్ సేక్ ఓర్ డై లే ఆయె. 33 యేసు ఓ భూత్ డీనె భడ్కాయొ జేర్ పచ్చె , ఉ గూoగో వాతే కర్తేఖం, జనూర్ మళావో విచిత్తర్ పడ. ఇశ్రాయేలేమా హనూ కన్నయీజ్ దకాయె కొని క వాత్ కీదె. 34 పణ్ పరిసయూల్ ఈ భూత్ డీర్ బాష్యార్ జోరేతీ భూత్ డీనే భడ్కారోచె క కే. 35 యేసు ఉందేర్ దేవేర్ ఘరేమా బోద్ కర్తో, రాజేర్ ఆచ్ ఖబర్ ప్రచార్ కర్తో హర్యేక్ తరే తరేర్, రోగేనె, హర్యేక్ తరే తరేర్ బీమారేనె అచోకర్తో సేశేరేమా గామేమా ఫరో. 36 ఉ మళాయేనె దేక, ఓకావలి ఛేనిజె గొర్లీర్ నై కట్టాళ భడ్కరే, జేర్ వాసె ఉందేర్ ఉంపర్ దయాకర. 37 కాటేరో అస్మా ఛే పణ్ కామ్ కరే వాళ్ కమ్ ఛే. 38 జేర్ వాసె ఓనె కాటేనె కామేవాళేనె మేల్ క కాటేర్ మాలకేనె నోరాకరోక ఓర్ చేలావునె కో.