¹ యేసుక్రీస్తూర్ ప్రేమమా పౌల్ చుజకోమ క్యాదేమ రేన్ పరల్ జనె సారు అరజ్ కర్రోచు.|తమార్ మేర్వాసే దేవ్ ఓర్ ² మనె,ఈ కామ్ దీనోకన్ తమ్ సే సామ్ళేచో.|దేవ్ ఓర్ ³ బారె పాడన్ మనె మాలం కీదో.మా ఏర్ కార్ణే తమేనే థోడసేకీ ఖబరే లకో.|మ లకోజేనే తమ్ వాంచ్లోతో క్రీస్తూర్ భేతేనే మ ⁴ మాలంకర్లీదో కన్ తమేనే మాలమవచె.|గోజే దాడూమా దేవేర్ ⁵ భేతేనే కుణీ జనూనే కేకోని.వణ్ దేవ్ ఆత్మాతీ అబె ఓర్ పవిత్తర్ అపోస్తలేనే,భక్తిదారూనే,ఓనె బారె పాడె.|ఈ భేత్ కాయికతో దేవేర్ ⁶ ఆశీజేమా యూదులేతీ పరల్జన్ సదా ఆచ్క్ఖబరేర్ కార్ణే హాసొలేవాళ్ వేగే. యేసుక్రీస్తూమా ఉ దీనోజే వాతేర్కార్ణే ఓ ఏకేక్ జీవేమా హాసో లేలీదే.|దేవేర్ జోరేర్ కామేర్ కార్ణే,దేవ్ మన దేనోజే వరమే సారు ⁷ ఆచ్ఖబర్ ప్రచార్కరేవాళేర్నై వేగో.|దేవేర్ జన్ సేతీ మ ⁸ కామేవాళో,కసన్కతో క్రీస్తూమా చెజకో ఆచ్ ఖబరేనే పరల్ జనేనే ⁹ ప్రచార్ కరేర్ మోట్పణ్ దేవ్ మనె దీనో ¹⁰ సేనే పెదకీదో జకో దేవ్ ఓర్ భేత్ కత్రాయితో హజారో వరస్ గోకన్ రకాడో.అబ్బె సంగమేర్ ¹¹ కార్ణే దేవేర్ సోజానన్,స్వర్గ్లోకేర్ అధికారీ దేవేర్ గ్యాన్ కసోకో మాలం కర్లేజు అబెలగుణ్ గోక్మేలో.|అపణ్ ప్రభూ క్రీస్తూ ¹² కీదోజకో కామ్ హమేశా సే ఏక్ వేన్ భళన్ విస్వాసేతీ బంచన్, హిమ్మతేతీ దేవేర్ ముణాంగె జాయెనె అపణేనే స్వతంతర్ దినో.|మ ¹³ తమార్ కార్ణే భావేటి కర్రో జేర్వాసే తమ్ హిమ్మత్ చోడ్మత్ కన్, మ తమేనే నోరా కర్రోచు.ఈ సే తమార్ మేలేవాసజ్ కర్రోచు.ఆచ్ఖబరేనే మాలమ్ కర్లేణోకన్ పౌలేర్ అరజ్ జగేమా హర్యేక్ ఘర్ కుణస్ బాపేర్ కార్ణే ఘర్ కన్ కేరావెఛకో, ¹⁴ ఓ బాపే ముణాంగె మ గోడి వాళ్రోచు.|దేవేనే చజకో డోగ్లా ¹⁵ మహిమాతీ తమ్ తమార్ దల్లేమా జోర్ భళ్ ¹⁶ ఆవెజు,ఓర్ ఆత్మాతీదేణో కన్ మన్వికర్ రోచు.విస్వాసేతి ¹⁷ వస్ణో కన్ సదా నోరా కర్రోచు. తమ్ ప్రేమేమా జడ్ ఫ్యాలన్ ¹⁸ ఘట్ రేణోజు,|తమ్ దేవేర్ జన్సేతీ క్రీస్తూ ప్రేమేర్ లాంబో, ¹⁹ చ్వాడో.ఉంచె,ఉండో కత్రాయికో మాలం కర్లేనే తమేనే జోర్ దేణో కన్ దేవేనే మ విన్తీకర్రోచు.|ప్రభూ అపణేమా జోరేర్ కామ్ ²⁰ కర్రోజే కార్ణే అపణ్ పూచజేత్తీ,సోంఛజేత్తీ డోగ్లా జాదా కామ్ కరేజ్ ²¹ దేవేనే,యేసుక్రీస్తూకార్ణే సంగమేమా హమేషా జగు జగూర్ మహిమా వేజా ఆమేన్.