¹ గోజే దాడుమా నవన్ రేకొనిజేర్వాసన్,పాపేర్ కార్ణే ఆత్మార్నై మరన్ రే.|జనా తమ్ జగేర్ బల్లావటేపర్ చాలే.ఆస్మానేమా ² ఛజకో దురాత్మాఅధికారి కతో,దేవేనే నవన్ రేనీజకో ఆద్మీవో మావళీవునే గోజేదాడుమా దారేతే,|జనా సాసీజ్ అపణ్ సే ³ ఉందేర్నై రేన్ అపణ్ దల్ కు కుంతజు చాలేతే.సేర్ నై అపణ్ సదా దేవేర్ రీసేనె ఛాజాజ వేగే.|పణ్ అపణే ఉంప్రే దేవేర్ దయ ⁴ కత్రాయితో జాదాచె.ఓర్ప్రేమ్ కత్రాయితో మోటోచే.హనూకన్ ⁵ అపణ్ నవన్ రేకోని.జేర్కార్ణే అపణ్ ఆత్మా మరన్రాజ్నా,క్రీస్తూతీ ⁶ సదా ఉ అపణనే బంచాడో.తమ్ దేవేర్ కృపాతీ రక్షణ్ల్లేదే. యేసుక్రీస్తూమా ఉ అపణనే ఉటాడన్ స్వర్గ్లోకేమా ఓర్ డైయి ⁷ బ్యాసారో.|తమ్ విస్వాసేర్కార్ణే దేవేర్ కృపాతీ రక్షణ్ల్లేదే.ఈ ⁸ కామ్కొని పణ్ దేవేర్ వరం.ఈ తమార్ తన్నేర్ కోళీజేర్ ⁹ ఫయీదో కోని.హనూకన్ బడ్పణ్ కరేర్ విల్చెనీ.దేవ్ అపణనే ¹⁰ పేదకీదోజకో,ఉ ఏర్ ఆంగెజ్ తయార్ కీదోజకో ఆచో కామేనే కరేనే యేసుక్రీస్తూతీ ఏక్వేన్ రేనె అపణేనే బుటాడో. పుట్కాతీ పరల్జన్ తమ్, సుంతాలేలీదేకన్ కేవాళ్ యూదులేతీ ¹¹ కన్ కజకో తమ్,గోజేదాడుమా తమ్ కాయివేన్రేకో హర్దేలావో.జనా తమ్ క్రీస్తూతీ నాళీవేన్ రే.తమ్ పరదేశీవేన్ దేవ్ ¹² కీదోజే జనూమా రేకోని.తమ్ ఏ జగేమా ఆసా చెనిజు దేవ్ సదా ఛెని కన్ కేలేన్ రే.|అబె క్రీస్తూతీ ఎక్వేగ్ జేర్వాసే ¹³ ఘణమే ఛజకో తమ్ క్రీస్తూర్ మ్వోతే కార్ణే డై వేన్ ఆయె.|కసన్కతో ¹⁴ యూదులేనే పరల్ జనేనే ఎక్జనేర్నై కరేర్ కార్ణే క్రీస్తుజ్ అపణేనే శాంతీదీనో.ఉమ్దేనే నాళీకరన్ దుష్మరేణ్నై కీదేజే గోడనే ఓర్ తన్నేర్ జీవేతీ కూలనాకో.దోయీ జాతెవూనే భేళన్ ఓతీ ఏక్ ¹⁵ కర్లేన్,ఏక్ నవ్ జనేనే తయార్ కరేనే,ఉ యూదేవాళూర్ చట్టమేనే, ఓర్ హకమేనే,నియమేనే రధ్ కర్నాకో.హనూ ఉ రాజీకీదో.|సిల్వా ¹⁶ ఉ దీనోజే మ్వోతేర్ కార్ణే ఉ దుస్మణేనే నాశ్కీదో.సిల్వార్ కార్ణే ఉ దోయీ జాతేనే ఏక్ కరన్ దేవ్ కన్నె ఫేర్లాయొ.|జనా ¹⁷ క్రీస్తూ ఆన్ శాంతీర్ ఆచ్ఖబరేనే సేనే ప్రచార్ కీదో.దేవేనే ఘణ్మే చెజకో పరల్జన్ తమేనే ఓర్డై రజే యూదుభేవాలేనే ఉ ప్రచార్ కిదో.|బా పేర్ ముణాంగె ఏక్ ఆత్మామా అపణ్ సే యూదేవాళ్ ¹⁸ పరల్ జన్ క్రీస్తూర్ కార్ణే ఆసకాచ,|హనూకన్ తమ్ అబ్బెశీ ¹⁹ పరల్జన్ పరదేశీ కన్,నవాడియా కొనిపణ్,దేవేర్ జనేతీ ఏకణ్ శారేవాళన్ దేవేర్ ఘరూవాళ్ ఛో.|యేసుక్రీస్తు కజకో మూలార్ ²⁰ ఉంపర్ అపొస్తల్,భక్తిదార్ ఘాలేజకో బునాది ఉంపర్ తమ్ సదా భందన్ ఛో.|భామ్దేర్ హర్యేక్ సే ఏక్ వేన్ ప్రభూక్రీస్తూ ²¹ మా పవిత్తర్ దేవళేర్ర్నై వదాడ్రొచే.|దేవ్ ఓర్ ఆత్మాతీ వనకే ²² ఘరేర్నై ఒత్తీ భళన్ రజేర్ కార్ణే తమ్ సదా పరల్ సేతీ భళన్ భందారేచో.