¹ Meih ori zuc ningh nzaor wav norz saenz nqeiz senz nyaangh. ² Ori zuc jorh wav ndomz munh go nyouc ndenc, slouc danyf, slingv jaauc, yaamz baengh, hnorngc slimz zaenv, horh lienh, ndienc slimz. ³ Nyouh ndormc munh nzif go lorf hnaangh naz, nyouh ori zuc aai naan hndaangz, ma goorngv wac slanc, kuiv yaenc diuv, nyouh ndormc munh go nyouh ori zuc nzao wav ndormc saenz nqeif. ⁴ Nyouh haiv bienc funz wav ndomc munh nzif nqun, beiz slaangz fav hlangh, beiz horh lienh seiv. ⁵ Beiz ndenc hnyouc hndaangc zaengh, mbaic aai biaauv nqumc bouz youc zuc hmungv Nqungh-hungh Fav nyaangh saenz nqeif shungc ma aai lorngc. ⁶ Meih ori zuc mbu wav ndormc taangz ninh munh gaan gunv baanh nyaangh slinz. ⁷ Wav ndormc muih hungc nqumh bouz nqorng meih ori zuc aai ah norz geny menyf slouc taangc nzaau. ⁸ Wac goorngv si saenz nyaangh ,ma funz naih munh nzemh, funz wav ndormc munh caengv daam zuc numh nyaeiz, sliz hanc ma haiv jaamh baanh. ⁹ Baanh oi zuc mbu wav ndormc ngumh bouz munh oiz zuc mungf baanh nyaangh Zouv, oiz zuc ai muiz hungh naan horf Zouv nyaangh hnyuoc; meih gujv ao hnanh. ¹⁰ Nquiv aai slaz, baanh oi zuc baeiz manyf baanh nyaangh slimz hnyouc baanh haanc duc glaov glunh, yom taauz muic mdoic,njouv Zouv Nqunh-hungh Fav, funf baanh njouv Zouv nyaangh manyh duc nqaangf aengv. ¹¹ Weic Zouv Nqunh-hungh Fav nyaanh boz nzou njouf funz baanh duc dih ndorih beiz manyf. ¹² Wav norv boz nzaor baanh nqaengz nzuc muif hungc horf ndaeif ma zaenv nyaangh nbamh gaanz,funz baanh duz ah noz baengh slhimz,saenz nqaeif,yoz zaanv dingc yomz baanh nyaangh naeiv slheiv. ¹³ Oi zuc baangc wav noz boz daangv Nqungh-hungh Fav hinc nzac daih si baanh nyaangh hnjouv Zouv Jesus Giduc. ¹⁴ Zouv ma slhetz nyaangh maengc shuc hnjouv baanh aai hoc ndaeic yaamz neiv nbamh gaanz nyaangh, baanh ori zuc gaan lienc baanh naan saangh Zouv nyaangh wav faanc munh, si muif daauh duc ndaangv zaengh aai ah ndormc nqumh bouz nqorng. Meih ori zuc norngc neiv ndormc wac nzaor munh, ori zuc norngc nzuf. ¹⁵ Meih nyaangh lorkc jang jorh munh goorngv, cuirv funf doi daauh munh mangc meih slhaamv.