¹ Si Nqungh Hungh nyaangh ndorngh ndaeic gornv hnjouv Zouv Yesu GiDuc nyaangh goorngz slorz naaih faanc yaenh Zouv Nqungh Hung shaenv nyaangh munh ningh taauv slimz zaenv youc beiz saenz nqeif horv baanh slim hnyouc zaenv nyaangh jaauv. ² Njic hmungc tauv saangh slhei kquei si nqungh hungh hunz si ma goorngv ja ndor nyunc gui ndang ma beiz sa slheiv zoh. ³ Taauv ndih zouv Naanh koriv manyh Zouv klaangv gui nqumh bouz nzaauf , yaz duz kaorz ei zouv NGungh Hungh nyaangh lanyz gornv baanh nyaangh hnjouv Zouv. ⁴ Senz slung hunz titv si senz seiv yaamz slim zaenv souh glorv Nqungh Hungh si baanh nyaangh Fav gornv HNJouv ZOUV YESU GIDUC hnjouv baanh shac boz shac baengh oorn funz seiv. ⁵ Yaz hunz seiv meih yaamz ndangz co ret si slaangc mbienc ma nzerng sorngv nyaangh ndaeic youc paic muiz norz nquenc Nquanc ndaangc nyaangh munh go hnaangv yaz yenh seiv meih lei. ⁶ Nqumh bouz munh gu ori zuc ma naaih dinc nzemh zorz ah lanh nzif ah lanh fav. seiv youc nzaenv zouv youc ma hunz munh naih dinc nzemh goorngv ma hmungv wac. ⁷ Dauh munh dae Nqungh Hungh nyaangh biaauv nqumh bouz munh si ma naih di goorngv wav lanh munh youc ma nyhaengc ma shiv dortc ma hoorpv diuv ma aai hluv ma mauh nyanh slinh . ⁸ Taauv nzuf ori zuc naaih hnyouc slipv zaeiv nyeih ori aai nqoorng ndaeic gaan shaamc baanh, baengh slimz, youc ndaangc slhaeuv gunv duz gaanh. ⁹ Naanh ori zuc dae nqoorng kaorv duz taangc nyaangh saenz nqeif youc norngc saenz nqeif kquinv munh youc norngc saenz nqeif mbeuz maengh funz wav ndormc nyhaengc saenz nqeif hunz naanh sliz baeiz duz naanh sliz hlorngc. ¹⁰ Naih munh ndung ma saangh si wav ndormc lor katz ndurpv nqeif , hnumc hnyac youc goorngv jaf seiv maeih ori zuc goorngv hunz naanh sliz maeng nzaetv. ¹¹ Ah di boz slamv plaatv naanh si youc nzaauf wav ndormc ma ndangv nzaauf aai hunz ndung lanh nyaangh biaauv hlunc. ¹² Naanh sliz nyaangh ah lanh munh gornv naanh sliz nyaangh ah sinz biaauv douh wac munh goorngv GO SET munh si slorngv goorngv kungv ,slu slaengv huc gornv wav ndormc daamf hnyinc mbi hlaeic. ¹³ Neiv nqeif zanyh manyh si senz naz seiv meih ori zuc nzac goorngv naanh sliz hunz naanh sliz hluv yaamz slim zaenv. ¹⁴ Nung kuiv za hnyouc hmungv YO Tai munh ma saangh nyaangh wac gornv wav ndormc munh piaenv saenz nqeif nzaauf nyaangh wac. ¹⁵ Dauh munh ndaangc slhaeuv muif hungc youc slhaeuv dauh munh huc ma naih dori hungc mbi slhaeuv nzuf njinh naanh nyaangh many daauh youc plaatv nzuf. ¹⁶ nanh sliz goorngv nanh sliz beiz zouv NQUNGH HUNGH hnangc naz nanh sliz nyaangh nqumh bouz aai youc piaenv zouv Nqungh Hugh nanh sliz saenz horv jaf. Ma hmungv wac youc ma aai duz dori hungc nqumh bouz nqorng ndoh.