¹ Baulo si Zouv Yesu Giduc nyaangh ah daauh sleiv seiv, Nqungh-Hungh nyaangh slimz ei nyunc funz sleiv kquei nyaangh maengc yaamz baanh nyaangh Zouv Yesu Giduc. ² Bung ningh funz taauv Ti-mo-tai si yaz slaangz nzorngc meih, shouh glorv Nqungh-Hungh, si Fav, gornv baanh nyaangh hnjouv Zouv Yesus Giduc si baanh nyaangh, Zouv sliz hnjouv boz, gornv dih slaangz, gornv baengh ornz funz seiv. ³ Yaz houh Nqungh-Hungh dangv yaz norngc hndaangv zaengh nyaangh hnyouc erng huc hnaangv gorngz zorqv mhuz lei! yaz muih hnorif muif hmunv glorv funz meih. ⁴ Yaz slaangz taauv meih nyaangh maeic wormc, yaz ori ningh taauv naan gaanv fhaatc meih yaz nyaangh hnyouc haanc duz hnumc hnyac. ⁵ Yaz sungh saang taauv meih nyaangh saenz slimz zaenv wav ndormc slimz zaenv yaamz meih, daangv wav ndih hlu hnori Lo-itv si meih nyaangh go div, gornv meih nyaangh nzif O-nitv, yaz zaenv dingc goorngv neiv ndih si erng yaamz meih. ⁶ Weic hnaangc naz yaz sungc mbu meih, Meih ori zuc saang Nqungh-Hungh funz wav norz zuc-nyeic dangv wav ndih yaz daapc buof anz meih ga zaeih meih ori funz wav norz zuc nyeic hlo jorm slaor hnaangv douc saaf. ⁷ Weic Nqungh-Hungh sliz funz baanh si ma zaeiz gumh hnzav nyaangh hnyouc, sliz funz baanh si naih qaf nyaangh hnyouc, youh naih dih slaangz, youh gaan haeif gunv duz baanh. ⁸ Naz kuiv hnumc nyaeiz wav ndih baanh hlaanv muh Zouv Yesus, nyaangh kuc jaen, funz ga sinh munh, youh kuiv hnumc nyaeiz, yaz zuc klaangc anz nzauh, meih ori zuc baangc Zouv Nqungh-Hungh nyaangh qaf, gornv yaz zuc tanyf couc, weic neiv kuc jaen. ⁹ Nqungh-Hungh hnjouv baanh funz baanh duz hwin hndaangz lauh saangh munh slhaeuv, si ma zaeih baanh nyaangh nqumh bouz, si gaan eiz dangv Zouv mbenc daaih funz, dangv kquaec goornz wav ndih njapc- nqungh-njapc hnif, Zouv norngc Yesu Giduc slif hnjouv boz funz baanh. ¹⁰ Hnaangc naz Nqungh-hungh paic funz Zouv Yesu daaih koriv paeih mengh wav norz zuc nyeic funz baanh si baanh nyaangh hniouv Zouv YeSu Giduc, mitv nzuc neiv deic nyaangh jaauv, neiv zeiv jaen si nzonh funz duz slei kquei ma heif daeic nyaangh. ¹¹ Weic neiv kuc jaen Nqungh-Hungh njapc yaz aai gorngz slorz, youh aai slin slhaengv nzonh nqeif. ¹² Weic neiv kuc jaen yaz zuc tanyh couc, funz yaz ma zuc nyaeiz, weic yaz beiz duz yaz zaenv mbi dori daauh, yaa beiz duz yaz gaorz funz Naanh, Zouv naih qaf beuz saenv yaz taauv saetv muaeiz wav norz hnorif. ¹³ Ori zuc aai eiz yaz nzaor neiv ndormc saenz nqeif aai gaor nqauv funz meih duz hnumc saenv naih slaangz hnaangv zouv Yesu slaangz. ¹⁴ Ori zuc baangc Zouv nyaaangh slinz Hndaangh , youc kaorv hnjouv Zouv Yesu Giduc duz daaih nyaangh slimz zaenv, gornv slaangz munh nyaangh hnyouc. ¹⁵ Meih beiz duz wav ndormc munh, yamz Esie slhaengv yaetv slorngv kquaengc yaz nzuc, njinh Fi-je-latv gornv He-mo-ge-netv lorh kquaengc yaz. ¹⁶ Shouh Glorv Zouv horh lienh wav senz biaauv O-ni-se-fo-ndo wav daauh gorngz slaangc yaz, youc bouh yaz ndung heic naanh youh ma hnumc nyaeiz weic yaz zuc klaangc nzauh nyaangh jaauv. ¹⁷ Wav ndih ngamz ningh taauv wav Loma wav naanh sungc gorn ningh lorh yaz saenz ningh lorf duz borngh. ¹⁸ Shouh Glorv Zouv funz naanh lorz duz Zouv nyaangh slaangz yaamz wav hnorif, meih beiz mengh wav ndih yamz wav E-fe-so wav naanh norngc hnyouc orng huc yaz.