¹ Nung kuiv norngc wac hnic hamv munh go hnangc naz ori zuc oorn naanh sliz hnaangv fav gornv wav ndormc munh nqun hnaangv youf baez. ² Neiv ndormc nzif hnyaangv go heuc aai nzif wav ndormc munh shav nqun heuc aai ov slhaei gornv muih hungc ndaaangc slhaev. ³ Oriz zuc dae munh nzif kquav ung saangh ma naih dic baangc. ⁴ Nung goorngv ah lanh munh nzif kquav naih seiv ma si slunz tah yaetv seiv slunz si ori zuc baeiz nqeif dae nanh sliz nyaangh biaauv glaorv nanh sliiz nyaangh nzif fav nyaangh buz neiv hungc nqoorng Nqungh Hungh nyaangh hnyouc. ⁵ Dori dauh munh nzif saenz kquav. ⁶ Av saangh ah lanh mbi daapv njic hmungc yaamz Nqungh Hungh gunv bung hnyouc mbac hnorif mbac nzaamc souh glorv naic. Hnaangc naz munh nzif kquav kungh nyaeih saangh hnquanh nquaec si sangh youc hnaangv daeic. ⁷ Ori zuc hlanv mbu nanh sliz neiv ndormc wac funz naanh sliz ma zuc qaamf. ⁸ Hnaangc goorngv dori dauh ma dae nanh gaan nyaangh saenz jaenv maz si nanh gaan nyaangh biaauv wav dauh piaenv nanh nyaangh slimz zaenv si erng hoc ti ma zaenv nyaangh munh. ⁹ Duz jav munh nzif kquav nyaangh mbu aanz slhouf wav lanh munh nzif kquav hnyaangv gau nquc saapc hnyaangv hanc kungz zorz ah lanh fav kungv. ¹⁰ Youc duv maengh dauh nqorng yaamz muif hungc nqumh bouz hnaangv dae nanh nyaangh seiv youc naih hnyouc sliqv zaev hndau slau hunz zouv nyangh gorng slorz hnjouv wav ndormc munh boorngh zuc slaeiv hnyouc slung maengc aai nqumh bouz nqorng. ¹¹ Hnangc naz ori zuc piaenv munh nzif kquav nqun hnyaangv mbu kuiv jav aanz slhou yorc nanh sliz ung zorz fav mbi kquaeng hnjouv zouv yesu giduc. ¹² Hnangc naz nanh sliz zuc dingc slhoriv we ¹³ Ic nanh sliz ma eiz nanh sliz nyunc nyaangh wac. Ma kungh mba naz nanh sliz erng horc slhao hnjangv kquaeng saang huc nzac neiv sinz biaauv shaetv wav sinz biaauv sliz youc goorngv wac slanc glaamh gluc munh aai hnyaangh ndaeic ma hopc zuc goorngv youc goorngv. ¹⁴ Naz yaz ori wav ndormc munh nzif kquav nqun si zuc zorz fav yungh seiv dae biaauv funz wav ndormc daam caengv ma naih dic goorngv. ¹⁵ Weic naih ndung lanh Hwinh ndangz liepc hmanc nzor. ¹⁶ Nung goorngv zaenv Zouv nyaangh Dornz shav naih munh nzif kquav yaamz nanh nyaangh biaauv wav lanh zuc dae naanh sliz nung kuiv hunz naanh sliz aai ndam nic hunz nquanc hndaangc waeic nquanc hndaangc ung dae wav ndormc munh nzif saenz kquav. ¹⁷ Wav ndormc dae nqorng nquanc hndaangc nyaangh munh go si horpc duz slipv boz saenz si wav ndormc naih gumh bouz hlaanv kuc njaen gornv nzau munh. ¹⁸ Gany slhouf nzau ngoorngh njaenc mblaauh ma duz hlutc ngoorngh nyaangh nzaet dauh munh aai nqumh bouz horpc duz nqumh bouz slinh. ¹⁹ Nung kuiv hmungv kungh naih ah ndormc wac kaorv nquanc hndaangc hnyaangh munh go bi ma naih iz buoz lanh aai zany manyf. ²⁰ Ori zuc bu wav ndormc hlorngc sloriv youc goorngv yaamz nquanc hndaangc nyaangh gah ndangc funz mbetc lanh mangc neiv aai nqaorv. ²¹ Yaamz Nqungh Hungh nyaangh gah ndangc gornv Zouv Yesu Giduc nyaangh ga ndangc gornv wav ndormc Slinz munh duz sienv yaz kquin seiv meih ori zuc hlaec neiv ndormc nqeif, youc ma bouh neiv lanh si shaamc wav lanh, ²² kuiv goorn daapv buz aanz dori dauh bae youc ma duz gornv dori daauh aai slhoriv ori zuc gaan hlaec baanh ndaangc slhaeuv. ²³ Sungh weic seiv meih nyaangh sliv haaiv munz yiorngv yaz kquin meih nung kui horpv wormz kungz ori zuc horpv ah ti dungh guh diuv. ²⁴ Naaih ah mban munh nyaangh slhoriv senz ndorc nzoorngv kui hndangz zuc slaamc slhoriv youc naih ah mban kui hndaangz hanc shaetv daaih. ²⁵ Wav ndormc nqumh bouz nqorng lorz hnangc naz naih mban youc saetv daaih naih ah mban youc ma shaetv gui hndaangz youc ma bing duz.